Hałoŭny trenier žanočaj zbornaj Biełarusi Anatol Bujalski prakamientavaŭ pieramohu svaich padapiečnych nad zbornaj Hrecyi (74:70) i vychad u čverćfinał čempijanatu śvietu.

«Viadoma, vielmi zadavoleny. Hruz adkaznaści pieravažaŭ. Ale, da honaru kamandy, sabralisia ź siłami i niervami. Za 9-12-ja miescy zusim nie chaciełasia hulać.

Natalli Marčanka faktyčna ŭ adzinočku pryjšłosia vyciahvać ŭvieś matč. Tarasava, na žal, rasčaroŭvaje. U vyniku dapuskajem vielmi šmat strataŭ. Dobra, što siońnia kampiensavali heta padboram i niadrennym adsotkam traplańniaŭ.

Unutranaje napružańnie zaškalvała. Pryčym, nie tolki ŭ hulcoŭ. U mamy Snycinaj naohuł, zdajecca, zdaryłasia isteryka. Byli prablemy i sa zdaroŭjem. U Vieramiejenka pierad matčam zachvareŭ žyvot, Marčanka ŭčora pakutvała na tempieraturu… Ale spravilisia i idziem dalej.

Spadziajusia, lepšy matč zbornaj napieradzie. U emacyjnym płanie, liču, daroha ŭ płej-of u Čechii ŭsio ž taki lahčejšaja, čym na letašnim čempijanacie Jeŭropy. Tut my vyžyli ŭ hrupie śmierci», — pryvodzić słovy Bujalskaha «Sportivnaja panorama».

Nahadajem, što ŭ čverćfinale čempijanatu śvietu pa baskietbole ŭ piatnicu, 1 kastryčnika, zbornaja Biełarusi zhulaje sa zbornaj Rasii.
Клас
Панылы сорам
Ха-ха
Ого
Сумна
Абуральна