Prakuratura Homielskaj vobłaści raskryła zabojstva, jakoje było ŭčyniena ŭ lipieni hetaha hoda.
19 lipienia trup mužčyny sa źviazanymi rukami i nahami byŭ vyłaŭleny ŭ race Pcič kala vioski Młynok Pietrykaŭskaha rajona. Zabitym akazaŭsia
Jak paviedamili ŭ śledčym adździele pa najvažniejšych spravach prakuratury Homielskaj vobłaści, u kancy žniŭnia byli zatrymany padazronyja ŭ zabojstvie — žychary Kalinkavič i Mazyra 24, 23 i 19 hadoŭ.
Jak było ŭstanoŭlena padčas śledstva, matyvam zabojstva stała pomsta. Siem hadoŭ tamu ŭ Kalinkavičach byŭ zabity mužčyna — padčas bojki jaho šturchanuli, jon zvaliŭsia na bardziur, atrymaŭ traŭmu hałavy i paśla pamior. Vinavataha ŭ naniasieńni ciažkich cialesnych paškodžańniaŭ, jakija pryviali da śmierci, sud pryhavaryŭ da pazbaŭleńnia voli. Paśla zakančeńni terminu źniavoleńnia abvinavačany viarnuŭsia ŭ Kalinkavičy. Daviedaŭšysia pra heta, małodšy brat zabitaha vyrašyŭ adpomścić. Jon i dva saŭdzielniki, žychary Mazyra, źbili mužčynu, advieźli ŭ Pietrykaŭski rajon i ŭtapili ŭ Pcičy.
Svaju vinu padazronyja pryznali i rastłumačyli, čamu ŭčynili złačynstva. Viadziecca śledstva.
