U śviežym rejtynhu FIFA zbornaja Biełarusi ŭźniałasia na 42-je miesca. Naša kamanda skočyła adrazu na 13 pazicyj navierch, z 55-aha miesca. Taki padjom dasiahnuty dziakujučy pieramozie nad Ałbanijaj (2-0) i ničyi ź Luksiemburham (0-0).

U vyniku Biełaruś apynułasia na samym vysokim miescy ŭ svajoj historyi.

Raniejšy rekord pratrymaŭsia miesiac.
Papiaredni byŭ zafiksavany ŭ červieni-vieraśni 2008 hoda. Tady kamanda dabrałasia da 57-aha miesca.

Na pieršych pazicyjach u rejtynhu Ispanija, Hałandyja, Brazilija, Hiermanija i Arhientyna. Supierniki našaj zbornaj u adboračnym cykły da čempijanata Jeŭropy na nastupnych pazicyjach: Francyja (18-je), Rumynija (50-je), Bośnija i Hiercahavina (53-je), Ałbanija (65-je) i Luksiemburh (135-je).

Cikava, što

Biełaruś apynułasia na druhim miescy ŭ adboračnaj hrupie i pa rejtynhu, i pa vynikach hulniaŭ.

Siarod susiedziaŭ vyšej za nas Rasija i Ukraina. Jany znachodziacca na 10-m i 35-m miescach adpaviedna. Litva na 48-m, Polšča i Łatvija na 69-m i 72-m miescach adpaviedna.

Nastupny rejtynh budzie apublikavany 17 listapada.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?