Pryčynaj krušeńnia nievialikaha samalota, jaki raźbiŭsia 25 žniŭnia ŭ Konha, staŭ nievialiki krakadził, jaki apynuŭsia na borcie, piša The Sun sa spasyłkaj na słovy adzinaha vyžyłaha ŭ avaryi pasažyra.
Jon raskazaŭ, što maleńki krakadził byŭ schavany siarod bahažu ŭ ahulnym sałonie samalota: vierahodna, adzin z pasažyraŭ chacieŭ upotaj pieravieźci jaho dla dalejšaha prodažu.
Žyvioła zdoleła vybracca z sumki, paśla čaho ŭ sałonie samalota pačałasia panika:pasažyry kinulisia da kabiny piłota, što vyklikała ŭ lohkaha samalota nachił i pryviało da padzieńnia.
Tady zahinuła 20 čałaviek, uklučajučy ŭładalnika avijakampanii Filair, jakoj naležaŭ dadzieny samalot.
Jak adznačaje vydańnie, sam krakadził pry padzieńni nie paciarpieŭ, adnak paśla jon byŭ zabity ratavalnikami, jakija prybyli na miesca krušeńnia.
