Pastupili ŭ prodaž bilety na matč BATE - «Šeryf»

Matč projdzie 4 listapada na minskim stadyjonie «Dynama» (pačatak matča, a 20-j). Nahadajem, što ŭ matčy 3-ha tura hrupavoha etapa Lihi Jeŭropy 21 kastryčnika BATE vyjhraŭ u Ciraspali ź likam 1:0.

Pieramoha nad ciraspalskim kłubam u Minsku, a taksama pieramoha kijeŭskaha «Dynama» ŭ siabie na poli nad AZ 4 listapada

harantujuć BATE miesca ŭ plej-of.

***

Bilety na matč BATE — «Šeryf» pastupili ŭ prodaž u piatnicu, 22 kastryčnika. A 15-j sinchronna adčynilisia kasy minskaha stadyjona «Dynama», barysaŭskaha haradskoha stadyjona i ofisa «ABFF-Padarožža». Ad suboty 23 kastryčnika kasy buduć pačynać pracu z 10-j.

Kasy minskaha stadyjona «Dynama» buduć pracavać da 19.00, barysaŭskaha haradskoha stadyjona — da 18.00.

Košt kvitkoŭ budzie zaležać ad katehoryi. Kvitki pieršaj katehoryi (siektary — 1, 2, 13, 14, 28, 29) buduć kaštavać 30 tysiač rubloŭ, druhi (3, 4, 12, 15, 26, 27) — 20 tysiač i treciaj (05–11, 16 — 25) — 10 tysiač.

Užo viadomyja miescy prodažaŭ biletaŭ na toj ci inšy siektar. Siektar 10 zareziervavany dla zaŭziataraŭ «Šeryfa».

U kasach minskaha stadyjona «Dynama» buduć pradavacca kvitki na nastupnyja siektary: 9, 11, 12–27, a taksama 28 i 29 ad 16-ha šerahu i vyšej.

U kasach barysaŭskaha haradskoha stadyjona buduć vystaŭleny na prodaž kvitki ŭ siektary 2–6, 1 (16 i vyšej).

PUP «ABFF-Padarožža» biare na siabie realizacyju biletaŭ u siektary 1 (šerahi 10–15), 7, 8, 28 (10–15), 29 (10–15).

Kvitki na šerahi 1–9 usich siektaraŭ nie drukavalisia i ŭ realizacyju pastupać nie buduć.

Pavodle bate.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH