U Pinsku zhareŭ rejsavy aŭtobus

U Pinsku kala vaśmi viečara 21 kastryčnika na vulicy Navasadskaj na prypynku hramadskaha transpartu zahareŭsia rejsavy aŭtobus.

Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, pra pažar u aŭtobusie, jaki ruchaŭsia pa maršrucie № 26, paviedamiŭ u centr apieratyŭnaha ŭpraŭleńnia Pinskaha harrajadździeła pa NZ jaho vadziciel. Da miesca zdareńnia byli nakiravanyja dźvie aŭtacysterny i aŭtamabil chutkaha reahavańnia.

«Vadziciel i ŭsie šeść pasažyraŭ, jakija jechali ŭ aŭtobusie, pakinuli jaho da prybyćcia ratavalnikaŭ. Nichto ź ludziej nie paciarpieŭ», — adznačyŭ Mašnoŭ.

Pavodle jaho słoŭ, pažar byŭ za try chviliny łakalizavany i za čatyry — likvidavany.

Ahniom źniščany sałon aŭtobusa i paškodžany matorny adsiek.

Jak miarkujecca, pryčyna pažaru — karotkaje zamykańnie elektrapravodki. Aŭtobus marki «MAZ-256» 2006 hoda vypusku naležyć aŭtobusnamu parku № 3 horada Pinska.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH