U Mahilovie na moście cieraz Dniapro adbyłosia bujnoje DTZ

Jak paviedamili ŭ DAI vobłaści, adrazu piać aŭtamabilaŭ sutyknulisia ranicaj 22 kastryčnika na moście imia Karalova praz Dniapro.

Pavodle papiaredniaj viersii, pieršym, nie spraviŭšysia z kiravańniem na abledzianiełaj darozie, ujechaŭ u parapiet mosta kiroŭca lehkavoha aŭtamabila «Ford». Zatym adzin za druhim na vialikaj chutkaści sutyknulisia jašče try aŭtamašyny.

Apošnim udzielnikam darožna-transpartnaha zdareńnia staŭ aŭtapojezd MAN, jaki, udaryŭsia ab mašyny, jakija raptoŭna spynilisia, i ŭrezaŭsia ŭ parapiet mosta.

«Na ščaście, achviar i paciarpiełych niama», — paviedamiła inśpiektar DAI Volha Viaršubskaja.

Ruch z-za DTZ całkam nie pierakryvaŭsia, adnak u vyniku sutyknieńnia na moście ŭtvaryŭsia vielizarny zator, jaki dachodziŭ u peŭnyja momanty da dvuch kiłamietraŭ.

Uładzimir Łapcevič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH