U Stolinskim rajonie pjany kiroŭca aŭtamabila źbiŭ pjanaha ravarysta, jaki atrymaŭ ciažkija traŭmy.

Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, avaryja adbyłasia 21 kastryčnika ŭ 12.10 na pierakryžavańni vulic u vioscy Chorsk. Kiroŭca mašyny «Opiel-Manterej»45-hadovy žychar vioski Tury pry vyjeździe na hałoŭnuju darohu ŭčyniŭ najezd na 25-hadovaha adnaviaskoŭca, jaki jechaŭ na rovary. Małady čałaviek z adkrytaj čerapna-mazhavoj traŭmaj i pierałomami kaściej čerapa źmieščany ŭ reanimacyjnaje adździaleńnie Stolinskaj centralnaj rajonnaj balnicy.

Kiroŭca aŭtamabila zatrymany. Stolinskim RAUS raspačata sprava na padstavie č. 2 art. 317 Kryminalnaha kodeksa (parušeńnie praviłaŭ darožnaha ruchu abo ekspłuatacyi transpartnych srodkaŭ).

«Heta pieršaje sioleta DTZ, dzie ravaryst i vadziciel aŭtamabila byli niećviarozyja», — zaznačyła Sacharčuk.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?