Kiraŭnik Biełarusi Alaksandr Łukašenka ličyć, što žančyna ŭ Biełarusi pavinna naradžać nie mienš, čym troje dziaciej. Pra heta jon zajaviŭ siońnia, sustrakajučysia z udzielnikami Usiebiełaruskaj akcyi «Pytańnie prezidentu».
Adna z udzielnic akcyi pacikaviłasia ŭ kiraŭnika dziaržavy nakont jaho dumki ab roli žančyny ŭ sučasnym hramadstvie: ci pavinna jana ŭ pieršuju čarhu nadavać uvahu siamji i vychoŭvać dziaciej abo budavać karjeru.
«Toje, što Hospad pradvyznačyŭ žančynie być maci, biassprečna.
Jakaja b karjera nie była, vam pryjdziecca zajmacca vychavańniem svaich dziaciej. Ja chaču, kab naša žančyna naradžała nie mienš, čym troje dziaciej», — skazaŭ Łukašenka.
Pavodle jaho słoŭ, dziaržava vielmi šmat robić dla abarony maciarynstva i dziacinstva, a ŭ budučyni budzie rabić jašče bolej.
Pryjarytetnaja ŭvaha ŭ hetym płanie budzie nadavacca zabiaśpiečanaści žyllom.
«Kali naradziła traich, ty atrymaješ žyllo za nievialikuju canu, a moža i biaspłatna ŭ zaležnaści ad raźvićcia ekanomiki. Kali ŭ siamjičaćviora-piaciora dziaciej,
to heta sapraŭdy biaspłatnaja kvatera. My budziem ŭzmacniać padtrymku takich siemjaŭ. Na heta my budziem nacelvać naš urad i hramadstva», — skazaŭ kiraŭnik dziaržavy.
Alaksandr Łukašenka adznačyŭ, što harantavańnie demahrafičnaj biaśpieki stanovicca adnym z asnoŭnych napramkaŭ dziejnaści dziaržavy. Pavodle jaho słoŭ,
nieabchodna kab u Biełarusi pražyvali jak minimum 20 młn. čałaviek.