Alaksandr Łukašenka ličyć nieabchodnym isnavańnie BRSM. Ab hetym jon paviedamiŭ siońnia ŭ čas sustrečy z udzielnikami Usiebiełaruskaj akcyi «Pytańnie prezidentu».

Adkazvajučy na pytańnie ab svaim staŭleńni da BRSM, Alaksandr Łukašenka adznačyŭ, što heta arhanizacyja, pa sutnaści, źjaŭlajecca jaho «dziciem». Pavodle słoŭ kiraŭnika dziaržavy, jon na praciahu niekalkich hadoŭ pracavaŭ u kamsamole i, niahledziačy na admoŭnyja momanty, jakija byli ŭ dziejnaści hetaha abjadnańnia, ličyć, što ŭ kamsamole było šmat dobraha, i hetaha dobraha było bolš.

«Što datyčycca BRSM i taho, što heta — nazad u minułaje, — tak, jość i nazad u minułaje,

i minułaje nie zaŭsiody było drennym.

I daj boh, kab toje dobraje, jakoje było ŭ minułym, my nie stracili siońnia», — skazaŭ Alaksandr Łukašenka. U jakaści adnaho sa stanoŭčych prykładaŭ jon pryvioŭ isnavańnie studenckich atradaŭ.

«Naša maładziožnaja arhanizacyja patrebna, joj być», — padkreśliŭ kiraŭnik dziaržavy. Pry hetym jon adznačyŭ: toje, jakoj być hetaj arhanizacyi, pavinna vyznačać sama moładź.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?