Siońnia ŭ Haradzienskim harvykankamie vydadzieny order na pamiaškańnie dla hramadzkaha muzeju Vasila Bykava. Muzej stvorany miascovaj veteranskaj arhanizacyjaj, buchhaltarka jakoj Jaŭhienija Bahdanava atrymała order razam z zachavalnikam muzejnaha fondu Alaksiejem Dziemidovičam.
Pavodle spadara Dziemidoviča, pakoj maje płošču 25 kvadratnych metraŭ i znachodzicca na adnym kalidory z pakojem (13 kvadratnych metraŭ) veteranskaj arhanizacyi, dzie ciapier mieścicca muzejny zbor. Zaraz treba vyrašyć pytańnie z arendnaj płataj za novuju płošču — kab jana nie była zavysokaja i veterany mahli b jaje płacić, kaža jon.
Hramadzki muzej Vasila Bykava znachodzicca ŭ kamianicy pačatku XX stahodździa na piešachodnaj vulicy Savieckaj, 31. Piśmieńnik pražyŭ u Horadni čverć stahodździa, paśla čaho pierajechaŭ u stalicu. U horadzie nad Niomanam jon napisaŭ «Žuraŭliny kryk», «Treciuju rakietu», «Alpijskuju baladu», «Miortvym nie balić» dy inšyja svaje viadomyja tvory. Muzej byŭ stvorany paśla śmierci Vasila Bykava ŭletku 2003 hodu.