Siońnia Biełaruś ličycca spakojnaj krainaj, vostravam miru i stabilnaści, dzie ludzi adčuvajuć siabie ŭpeŭnienymi ŭ zaŭtrašnim dni.
Heta adznačyŭ kiraŭnik dziaržavy Alaksandr Łukašenka siońnia ŭ čas sustrečy z udzielnikami Usiebiełaruskaj akcyi «Pytańnie prezidentu».
Źviartajučysia da moładzi, jon adznačyŭ: «Toje, što vy majecie, usprymajecca jak naležnaje. Vam, napeŭna, ciažka ŭjavić, što moža być inakš. Ale ž usio paznajecca ŭ paraŭnańni. Vy naŭrad ci dobra pomnicie toje, što było paśla raspadu Savieckaha Sajuza». «Vašy baćki pomniać, što adbyvałasia, kali naša kraina tolki nabyła niezaležnaść, — skazaŭ Alaksandr Łukašenka. — Było nialohka, ale my dali sabie słova, što my pabudujem krainu, u jakoj budzie kamfortna žyć ludziam, i budučyja pakaleńni buduć hanarycca svajoj ziamloj i svajoj krainaj. My niamała ŭ hetym napramku zrabili i navat u čymści dasiahnuli pośpiechaŭ».
