Sieminar pierakładčykaŭ liturhičnych tekstaŭ z udziełam a. Alaksandra Nadsana

Sieminar i Kruhły stoł pierakładčykaŭ biblejskich i liturhičnych tekstaŭ na biełaruskuju movu z udziełam a. Alaksandra Nadsana (Łondan)

Dziakujučy mižkanfiesijnaj inicyjatyvie Centra biblijnych studyj i bahasłoŭja (BHKC) i minskaha Centra «Ekumiena» 23–24 kastryčnika 2010 h. projdzie ŭ Minsku bahasłoŭska-duchoŭny Sieminar i Kruhły stoł pierakładčykaŭ biblejskich i liturhičnych tekstaŭ na biełaruskuju movu z udziełam a. Alaksandra Nadsana.

Miesca praviadzieńnia sieminaru i kruhłaha stała: Hreka-katalicki centr Sv. Jazepa, Minsk, vuł. Ardžanikidzie d. 6.

Da ŭdziełu ŭ Sieminary zaprošanyja a. Alaksandr Nadsan, Apostalski Vizitatar dla biełarusaŭ zamiežža i rektar Biełaruskaj katalickaj misii ŭ Łondanie, Centr biblijnych studyj i bahasłoŭja, Centr «Ekumiena», supracoŭniki Siekcyi pa pierakładzie liturhičnych tekstaŭ i aficyjnych dakumientaŭ Kaścioła pry KKBB, supracoŭniki Biblejskaj kamisii Biełaruskaj Pravasłaŭnaj Carkvy, Pravasłaŭnaje bractva Troch Vilenskich mučanikaŭ, Pravasłaŭnaje bractva Kanstancina Astrožskaha, dušpastyrstva minskaha kaścioła sv. Symona i sv. Aleny, Biblejskaje tavarystva Respubliki Biełaruś, fiłołahi-biełarusaviedy.

svjazep.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH