Urad Łatvii pastanaviŭ sfarmavać novuju kiroŭnuju kaalicyju, jakaja budzie ŭklučać šmatpartyjny aljans, u tym liku nacyjanalistaŭ.
Pra heta 22 kastryčnika zajaviŭ prem'jer-ministr Łatvii Vałdzis Dambroŭskis.

Paśla pieramohi pravacentrysckaj partyi na parłamienckich vybarach 2 kastryčnika kaalicyjnyja pieramovy zaciahnulisia ŭ suviazi z aściarohami, što aljans z nacyjanalistami naniasie škodu imidžu Łatvii na Zachadzie i pieraškodzić pryjaznym adnosinam z susiedniaj Rasijaj.

Sajuz «Usio dla Łatvii» i «Za Ajčynu i svabodu» mieŭ u raniejšym parłamiencie 5 mandataŭ, a ŭ novym budzie mieć 8. Usiaho ŭ łatvijskim Sojmie 100 deputataŭ.

Uradavaja kaalicyja budzie kantralavać ź ich 63 miescy. Dambroŭskis zajaviŭ žurnalistam, što vyrašyŭ supracoŭničać z nacyjanalistami paśla taho, jak jany paabiacali nie čapać pytańniaŭ etničnaj palityki bałtyjskich dziaržavaŭ i nie patrabavać departacyi mihrantaŭ.

Niekatoryja nacyjanalisty z partyi «Usio dla Łatvii», prapanoŭvali, kab Łatvija vyrašyła svaje etničnyja prablemy šlacham «repatryjacyi» — słova, jakoje ŭ ich razumieńni abaznačaje adpraŭku etničnych rasijcaŭ u Rasiju. Bolšaść łatyšoŭ paličyła prapanovu krajnaściu i adchiliła jaje.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?