«Naša Niva» rychtuje da druku kulinarnuju knihu našaj ziamlački Vincenty Zavadskaj «Litoŭskaja kucharka» i prosić čytačoŭ dapamahčy adnavić biełaruskija nazvy roznych hatunkaŭ miasa.
Razbor vała
1. Głowa. 2. Szyja, na bulion. 3. Góra, na gorzsą pieczeń. 4. Łopatka (szponder), na bulion i sztukę mięsa. 5. Goleń, na dodatki. 6. Nogi. 7. Mostek, na sztukę mięsa i bulion. 8. Polędwica. 9. Ogonuwka (krzyżówka) na pieczeń, zrazy i klopsy. 10. Kośliwa, na sztufadę, pieczeń i pekeflejsz. 11. Zrazuwka, dobra na pieczeń, zrazy i sztufadę. 12. Krzyżówka, pierwsza na befsztyk, zrazy i klopsy. 13. Łojówka, na rosół i sztukę mięsa. 14. Rostbef i kotlet, na rumsztyk i entre-cote. Żeberka, na rosół.
Prapanavany varyjant pierakładu:
1. Hałava. 2. Šyja, na bulon. 3. Vierch, na horšuju smažaninu. 4. Łapatka, na bulon i kavałak miasa. 5. Halonka, na dadatki. 6. Nohi. 7. Hrudzinka, na kavałak miasa i bulon. 8. Palandvica. 9. Ściahno, na smažaninu, zrazy i kłopsy. 10. Miasa dla tušeńnia adnym kavałkam, smažaniny i piekieflejšu. 11. Miasa dla smažaniny, zrazaŭ i štufady. 12. Najlepšaje miasa dla bifšteksu, zrazaŭ i kłopsaŭ. 13. Jałavičyna z łojem, na bulon i kavałak miasa. 14. Rostbif i katleta, na ramšteks i antrekot. 15. Rabrynka, na bulon.
«Naša Niva» rychtuje da druku cikavaje i patrebnaje vydańnie — kulinarnuju knihu našaj ziamlački Vincenty Zavadskaj «Litoŭskaja kucharka», jakaja vyjšła ŭ śviet u pieršy raz u Vilni ŭ 1854 hodzie
I voś zaraz hetaja kniha, jakuju Uładzimir Karatkievič nazvaŭ «pieršaj našaj kulinarnaj knihaj» i jakaja, akramia taho što ŭtrymlivaje mnostva cikavych kulinarnych receptaŭ, daje jaskravuju karcinu žyćcia našych prodkaŭ, nieŭzabavie maje vyjści ŭ sieryi «Kniharnia «Našaj Nivy».
Niekatoryja z receptaŭ drukavalisia ŭ «Našaj Nivie» i kožny raz vyklikali daścipnyja i karysnyja dla pierakładčykaŭ kamientary čytačoŭ, abaznanych i ŭ biełaruskaj movie, i ŭ biełaruskich kulinarnych tradycyjach.
Voś čamu,
sutyknuŭšysia ź ciažkaściami pierakładu, pierakładčyki, upeŭnienyja ŭ fiłałahičnaj i kulinarnaj talenavitaści čytačoŭ «NN», vyrašyli mienavita da ich źviarnucca pa dapamohu.
Havorka pra razbor žyviolin. Viadoma, što mietodyka takoha razboru u kožnaj krainie svaja, hatunki miasa adroźnivajucca pa nazvach i kulinarnamu vykarystańniu. U knizie Zavadskaj razbor taksama śpiecyfičny. Na žal, mienavita biełaruskich nazvaŭ hetych častak tušaŭ žyviolin my nie viedajem. Polskimi ci rasiejskimi kalkami karystacca nie chaciełasia b. Moža, vy pamiatajecie, jak toje ci inšaje miasa nazyvałasia ŭ vašaj vioscy ci horadzie? Jak tuju ci inšuju častku nazyvaŭ dzied, kali kałoŭ byčka? Jak nazyvałasia toje, što vaša babula zapiakała ŭ piečy i što kłała ŭ sup?
Prosim čytačoŭ dapamahčy adnavić biełaruskija nazvy roznych hatunkaŭ miasa.
Pačniem ź jałavičyny. Na malunku vy bačycie schiemu razbora vała, pryviedzienuju u knizie Zavadzskaj. Jakija biełaruskija adpaviedniki polskim nazvam hetaha miasa vy prapanujecie vykarystoŭvać?
