Alaksandr Tamkovič prezientavaŭ knihu bijahrafij «Losy».

Svaju novuju knihu pad nazvaj «Losy» žurnalist Alaksandr Tamkovič prezientavaŭ na siadzibie BNF. U hetym jość peŭny simvalizm. Jak padkreśliŭ adzin ź piacidziesiaci hierojaŭ knihi prafiesar Aleh Manajeŭ, usich fihurantaŭ zbornika abjadnoŭvaje znachodžańnie pa inšy ad siońniašniaj ułady bok barykadaŭ. Spadar Manajeŭ nie pahadziŭsia z vykazvańniem, što historyja nie lubić umoŭnaha ładu. Naadvarot, jon ličyć karysnym i patrebnym analizavać varyjanty, jak usio mahło stacca, kali b… I paraiŭ aŭtaru knihi napisać novuju, abraŭšy dla intervju ludziej, maładziejšych na pakaleńnie za tych, pra čyje žyćciovyja historyi možna daviedacca z «Losaŭ».

Siarod hierojaŭ knihi Alaksandra Tamkoviča znakavyja dla siońniašniaj Biełarusi asoby. Vasil Bykaŭ, Ryhor Baradulin, Radzim Harecki, siarhiej Zakońnikaŭ, Zinaida Bandarenka, Aleś Maračkin, Valancin Akudovič, Uładzimir Kołas, Stanisłaŭ Bahdankievič, Stanisłaŭ Šuškievič, Alaksandr Milinkievič, Hienadź Hrušavy dy inšyja. Na prezientacyi aŭtaru najčaściej dziakavali za toje, što ŭsich svaich surazmoŭcaŭ jon adkryŭ dla čytača, jak prostych ludziej. Toj ža Manajeŭ pra heta zaŭvažyŭ, što navat pra svaich siabroŭ, jakich viedaje z 60-ch, mnohija rečy daviedaŭsia tolki ciapier, pračytaŭšy knihu. Historyk Aleh Trusaŭ nazvaŭ pracu Tamkoviča letapisam sučasnaj Biełarusi.

U časie prezientacyi Alaksandr Tamkovič simvalična dałučyŭsia da kahorty piśmieńnikaŭ — staršynia Biełaruskaha PEN-centru Andrej Chadanoviča uručyŭ jamu paśviedčańnie arhanizacyi za numaram 162.

«Losy» bahata ilustravanyja ŭnikalnymi siamiejnymi fotazdymkami. Mnohich piersanažaŭ knihi na ich prosta nie paznać. Voś maleńki Šuškievič trymaje cacačnaha mišku za łapu, a voś Hrušavy skača praz vohnišča.

«Heta kniha napisanaja razumnym i mocnym čałaviekam. Hetaja kniha napisana talenavitym i sumlennym žurnalistam. Heta kniha pra razumnych, mocnych, talenavitych ludziej. Užo tamu jaje varta pračytać», — napisaŭ u pradmovie da vydańnia Alaksandr Fiaduta.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?