Alaksiej Arłoŭ u niadzielu źmianiŭ na pasadzie kiraŭnika Kałmykii (Rasija) Kirsana Ilumžynava, jaki kiravaŭ respublikaj na praciahu apošnich 17 hadoŭ. Cyrymonija inaŭhuracyi novaha kiraŭnika rehijonu adbyłasia na ŭračystym pasiadžeńni Narodnaha Churała.

U pačatku vieraśnia «Jedinaja Rośsija» pieramahła na rehijanalnych vybarach i pradstaviła prezidentu Rasii čatyroch kandydataŭ na pasadu kiraŭnika Kałmykii: namieśnika staršyni ŭrada Kałmykii Alaksieja Arłova, namieśnika kiraŭnika administracyi Vałhahradskaj vobłaści Alaksandra Darždziejeva, staršyni Narodnaha Churała Kałmykii Anatola Kazačko i namieśnika kiraŭnika Fiederalnaj słužby pa finansavych rynkach Biembia Chułchačyjeva.

Kiraŭnik dziaržavy spyniŭ svoj vybar na Arłovie i ŭnios jaho kandydaturu na razhlad rehijanalnaha parłamienta. Za jaho zaćviardžeńnie prahałasavali 21 z 26 deputataŭ, piaciora ŭstrymalisia.

Inaŭhuracyja novaha kiraŭnika Kałmykii prajšła ŭ dzień zakančeńnia paŭnamoctvaŭ raniejšaha kiraŭnika respubliki Kirsana Ilumžynava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?