CHK «Dynama» Minsk prajhraŭ 24 kastryčnika ŭ Jarasłaŭli «Łakamatyvu» ŭ matčy Kantynientalnaj chakiejnaj lihi ź likam 2:3 (1:0, 1:1, 0:2).

Matč byŭ pakazany ŭ žyvym efiry telekanał «Ład». Zapomniŭsia pieradusim miakka kažučy niebiezdakornym sudziejstvam u bok haspadaroŭ.

Skład «Dynama»: Eš; Podhradski — Kaściučonak, Śpirydonaŭ — Štumpieł (k) — Hłazačaŭ; Pietrašak — Mojžyš, Kułakoŭ — Płat — Kavyršyn; Hienry — Šeleh, Dziamahin — A.Staś — Mialeška; Čuprys -.Varłamaŭ — Pikarajnien.

Šajby: 0:1 — Štumpieł (Kaściučonak, 0.29). 1:1 — Astapčuk (Karaluk, 31.30). 1:2 — Štumpieł (M.Śpirydonaŭ, 34.22). 2:2 — Lechciera (Dźmiemitra, 46.01 — boł.). 3:2 — Rachunek (Kočnieŭ, 58.27 — boł.).

Tym nie mienš vyjaznoje turne z čatyroch matčaŭ dla minskaha kłuba možna ličyć paśpiachovym.

Kamanda viazie ŭ Biełaruś šeść bałaŭ (pieramoha ŭ oviertajmie nad SKA 3:2, u asnoŭny čas nad «Spartakom» — 5:1, paraza ŭ oviertajmie ad Sievierstali — 1:2).

Ciapier «Dynama» praviadzie try matčy doma, adnak nie ŭ Minsku — «Minsk-Arenu» buduć rychtavać da dziciačaha «Jeŭrabačańnia», a ŭ Babrujsku.

U sieradu, 27 kastryčnika, «Dynama» zhulaje z ACHK «Dynama» (Maskva), u piatnicu — z «Viciaziem», u niadzielu — z «Dynama» Ryhaj. U sieradu i piatnicu pačatak matčaŭ, a 19:00, u niadzielu — a 17-j.

Zrešty da Babrujska možna i ciahnikom dabracca, i maršrutkaj. «Dynama» — vartaje našaj padtrymki.

«Dynama» zajmaje 5-je miesca ŭ kanfierencyi «Zachad».

Zachad: ACHK «Dynama» — 36 (16), Łakamatyŭ, Sievierstal — 33 (17), Dynama Ryha — 31 (19), Dynama Minsk — 31 (20), Tarpieda — 27 (16), SKA — 26 (18), Atłant — 21 (16), CSKA — 21 (18), Spartak — 18 (18), Viciaź — 7 (6).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?