Składana zrazumieć skupaść ciapierašniaj ułady, piša jon u svaim błohu.

Lidar hramadskaj kampanii «Havary praŭdu» Uładzimir Niaklajeŭ, jaki pretenduje na pasadu prezidenta, u svaim błohu zaklikaŭ achviaravać siemjam paciarpiełych u Pinsku:

«Skupaść na słovy, jakija tradycyjna kaža ŭ hadzinu biady čałaviek čałavieku. Miarkujučy pa tym, što adbyvajecca, u našaj aŭtarytarnaj dziaržavie čynoŭnik nie moža, nie maje paŭnamoctvaŭ, a tamu nie naśmielvajecca prosta skazać: «Ja vielmi škaduju pra toje, što zdaryłasia, my pierad vami vinavatyja». Napeŭna, tamu jany maŭčać ŭžo tydzień.

My nie možam navučyć našu dziaržavu dziejničać zhodna z pryncypam marali, ale my možam dapamahčy tym, u čyje siemji pryjšli hora i śmierć. Stračvać blizkich ludziej — zaŭsiody bol. Stračvać ich niedarečna — balučej u stokroć. My smutkujem razam z vami...

Heta kropla ŭ mory, ale ŭsio ž: ja pieraličvaju na raźlikovy rachunak častku svajho hanararu za apošni zbornik vieršaŭ. Ja zaklikaju ŭsich nieabyjakavych da ludziej ludziej dapamahčy pa miery mahčymaści paciarpiełym u Pinsku. Moža być, naša hramadzianskaja salidarnaść stanie prykładam dla tych, chto nie paličyŭ patrebnym abviaścić nacyjanalnuju žałobu?»

***

Nahadajem, što ŭ vyniku vybuchu na «Pinskdrevie» zahinuli 14 čałaviek, 6 paciarpiełych znachodziacca ŭ balnicach. 3 i 4 listapada na Brestčynie abvieščana žałoba. Siemjam zahinułych na «Pinskdrevie» vypłaciać pa 100 miljonaŭ rubloŭ, siemjam paciarpiełych — pa 50 miljonaŭ. Paśla zdareńnia ŭ Pinsku na meblevych fabrykach krainy prajšli pazapłanavyja pravierki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?