Novyja pryłady dajuć idealny skryninh.

 Vyjavy apranutaj žančyny atrymanyja z dapamohaj "porna-skanera".

Vyjavy apranutaj žančyny atrymanyja z dapamohaj "porna-skanera".

U amierykanskich aerapartach ustalavali novyja skanery, z dapamohaj jakich słužba biaśpieki maje mahčymaść idealna bačyć cieła praz vopratku. Chutkaści nadhladu vyrasła, ale pryłady vyklikali chvalu skandałaŭ. Bo pakazvajuć čałavieka ŭ čym maci naradziła.

Tak zvanyja «porna-skanery», jak ich paśpieli nazvać amierykancy, dazvalajuć supracoŭnikam aeraportaŭ padrabiazna razhledzieć nie tolki źmiest kišeniaŭ pasažyraŭ, ale i ich intymnyja miescy. Ad prynižalnaj pracedury možna admovicca. Ale heta vykliča padazreńni ŭ achovy i vierahodnaść trapić na asabisty nadhlad pavialičvajecca stakroć.

Prablema zajmieła šyroki rozhałas u hramadstvie. Amierykancy nastolki aburylisia parušeńniem asabistaj prastory, što hatovyja adstojvać svaje pravy ŭ sudzie. Paŭstała navat adpaviednaja hramadskaja inicyjatyva — «We Won't Fly».

Adzin ź jaje ŭdzielnikaŭ, Džon Tajner, zrabiŭ videazapis pracedury asabistaha nadhladu i vykłaŭ na YouTube pad nazvaj «If you touch my junk, I'll have you arrested». (Kali ty dakraniešsia da majho hoŭbasa, to ja ciabie zasudžu.)
Rolik pakazali ŭ efiry CNN, paśla čaho ab prablemie zahavaryli na samym vysokim uzroŭni.

Što praŭda, razam z dyskusijaj ab pravamocnaści nadhladaŭ na «porna-skanery» u ZŠA źjaŭlajucca idei uvieści nadhlad nie tolki ŭ aeraportach, ale i na vakzałach. U takim vypadku tym amierykancam, što zaraz bajkatujuć avijalinii i zamianili ich čyhunkaj, pryjdziecca admovicca ad padarožžaŭ uvohule.

A pakul usio toje napieradzie, vytvorcy bializny znajšli svoj adkaz na pytańnie «Lotać albo nie?». Kampanija 4th Amendment Wear prapanuje kupcam bializnu z admysłovym mietaličnym atramantam, jaki nie dazvalaje razhledzieć intymnyja miescy z dapamohaj «porna-skaneraŭ». Stać uładalnikam čaroŭnych majtkoŭ možna ŭsiaho za dziesiać dalaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?