Z 2 pa 4 śniežnia ŭ Minsku budzie prachodzić asnoŭny etap śpiecyjalnaha kompleksu mierapryjemstvaŭ «Nielehał».

Dadzienaje mierapryjemstva skiravanaje na vykryvańnie zamiežnych hramadzian, jakija niezakonna znachodziacca na terytoryi horada; vyjaŭleńnie kanałaŭ niezakonnaj mihracyi, jaje arhanizataraŭ i asobaŭ, jakija im sudziejničajuć, a taksama papiaredžańnie złačynstvaŭ i pravaparušeńniaŭ u dačynieńni da zamiežnych hramadzian i ź ich boku. U nazvanyja terminy minskija milicyjanty praviaduć kompleksnyja adpracoŭki mahčymych miescaŭ znachodžańnia nielehałaŭ, u ich liku rynki, hateli, internaty, čyhunačnyja stancyi, abjekty, jakija budujucca, i h.d.

Darečy, sioleta «Nielehał» pravodzicca ŭ stalicy nie ŭpieršyniu. Padčas anałahičnaj apieracyi ŭ kastryčniku minskimi vartaŭnikami paradku za parušeńnie praviłaŭ znachodžańnia na terytoryi RB da administracyjnaj adkaznaści tolki ŭ Minsku było pryciahnuta da adkaznaści 358 čałaviek, a jašče 36 inšaziemcaŭ i asobaŭ biez hramadzianstva byli departavanyja za miežy Biełarusi.

— Uličvajučy i analizujučy vyniki sioletnich śpiecyjalnych kompleksnych mierapryjemstvaŭ «Nielehał», možna skazać, što

niezakonnaja mihracyja zamiežnych hramadzian u Minsku maje miesca, adnak nie źjaŭlajecca sistemnaj, i my vyjaŭlajem tolki fakty asobnych parušeńniaŭ,
 — adznačyŭ načalnik upraŭleńnia pa hramadzianstvie i mihracyi HUUS Minharvykankama Ihar Daraščonak.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?