Zatrymany 28 listapada ŭ Maskvie Ihar Alinievič znachodzicca ŭ śledčym izalatary KDB («Amierykancy») ŭ Miensku. Pra heta maci aktyvista paviedamiŭ dziažurny advakat.

Bolš za dvoje sutak siabry Ihara rasšukvali jaho ŭ adździaleńniach milicyi i izalatarach Maskvy. Ale rasijskija pravaachoŭniki admaŭlali najaŭnaść u ich takoha zatrymanaha, razam z datyčnaściu svaich supracoŭnikaŭ da hvałtoŭnaha zachopu Alinieviča.

Tolki ŭviečary 30 listapada ŭdałosia znajści svajakoŭ Ihara ŭ Minsku, jakija paviedamili, što Ihar znachodzicca ŭ izalatary Kamiteta dziaržaŭnaj biaśpieki Respubliki Biełaruś. Pra heta jany daviedalisia 29 listapada ad abaviazkovaha biaspłatnaha advakata, pradastaŭlenaha Iharu KDB. Takim čynam, mienš čym za sutki Ihar Alinievič byŭ dastaŭleny z Maskvy ŭ Minsk.

Siabry nie vyklučajuć, što Alinieviča mahli vyvieźci niezakonna na terytoryju Biełarusi i na miescy aformić zatrymańnie, kab nie marnavać čas na pracedury pa ekstradycyi.
Adnak, jakim čynam, nasamreč, adbyłasia vydača zatrymanaha biełaruskamu boku pakul dakładna nieviadoma.
Ihara Alinieviča padazrajuć va ŭdziele ŭ napadach na hienštab u Miensku i ambasadu Rasii hetaj vosieńniu.

Nahadajem, što abvinavačvańnie ŭ napadach, jakija byli abjadnanyja ŭ adnu kryminalnuju spravu ab chulihanstvie (častka 2 art 339 Kryminalnaha Kodeksu) pradjaŭlenaje pakul Mikałaju Dziadku, Alaksandru Franckieviču i Maksimu Vietkinu.

Maksim Vietkin i Alaksandr Franckievič utrymlivajucca na Vaładarcy, Mikałaj Dziadok — u Žodzinskim SIZA.

Jašče adzin padazravany pa spravie padpałaŭ Źmicier Duboŭski znachodzicca ŭ vyšuku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?