1 śniežnia kandydat u prezidenty Vital Rymašeŭski znachodzicca ŭ Brusieli, Andrej Sańnikaŭ i Jarasłaŭ Ramančuk rychtujucca da televystupleńniaŭ, Ryhor Kastusioŭ i Uładzimir Niaklajeŭ pravodziać sustrečy ŭ rehijonach, aviedamili ŭ štabach kandydataŭ u prezidenty.

Andrej Sańnikaŭ siońnia praviadzie šerah sustreč z žurnalistami i členami svajoj inicyjatyŭnaj hrupy. Aprača taho, kandydat u prezidenty budzie rychtavacca da vystupleńnia na telebačańni, jakoje pavinna adbycca 1 śniežnia z 19.30 da 20 hadzin. «Sańnikaŭ budzie vystupać u pramym efiry», — zaznačyŭ pres-sakratar kandydata ŭ prezidenty Alaksandr Atroščankaŭ.

Praktyčna identyčnaja prahrama na dzień u kandydata ad Abjadnanaj hramadzianskaj partyi Jarasłava Ramančuka. «Jon sustreniecca z zamiežnymi žurnalistami, a taksama budzie rychtavacca da vystupleńnia na telebačańni, jakoje pavinna prajści z 19.30 da 20 hadzin 2 śniežnia», — paviedamiła kiraŭnik pres-hrupy Ramančuka Hanna Krasulina.

Kandydat u prezidenty ad arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski pravodzić u Brusieli šerah sustreč vysokaha ŭzroŭniu ŭ Jeŭraparłamiencie.

Kandydat u prezidenty ad Partyi BNF Ryhor Kastusioŭ siońnia naviedaje Baranavičy (Bresckaja vobłaść), dzie ŭ 16 hadzin praviadzie pikiet na placoŭcy kala Doma kultury, i sustreniecca ŭ 18 hadzin z vybarščykami ŭ Słonimie (Hrodzienskaja vobłaść) u kinateatry «Mir».

Lidar kampanii «Havary praŭdu!», kandydat u prezidenty Uładzimir Niaklajeŭ naviedaje siońnia Mahiloŭskuju vobłaść. Jon praviadzie sustrečy z vybarščykami ŭ Škłovie, u rajonnym domie kultury z 14 da 17 hadzin pa vulicy Savieckaja, 2, a taksama ŭ Horkach z 18 da 21 hadziny ŭ aktavaj zale Doma kultury sielskahaspadarčaj akademii pa vulicy Internacyjanalnaja, 1.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?