U Biełarusi ŭpieršyniu raspačataja kryminalnaja sprava za handal ludźmi z metaj zdabyćcia orhanaŭ i tkanak dla transpłantacyi (artykuł 181 KK), paviedamili va ŭpraŭleńni infarmacyi i hramadskich suviaziaŭ MUS Biełarusi.

Dziejnaść mižnarodnaj złačynnaj hrupy, jakaja zajmałasia padboram i viarboŭkaj donaraŭ unutranych orhanaŭ, spynienaja hałoŭnym upraŭleńniem pa baraćbie z arhanizavanaj złačynnaściu i karupcyjaj MUS Biełarusi sumiesna z ukrainskimi kalehami. Achviar złamyśniki šukali praź internet i pierapraŭlali za miažu (Ekvador, Kosava), dzie pravodzilisia niezakonnyja apieracyi pa vydaleńni nyrak i ich pierasadcy ich zamožnym recypijentam.

Donary vyjazdžali za miažu dobraachvotna, ale ŭ dačynieńni da ich užyvalisia roznyja mietady psichałahičnaha i fizičnaha ŭździejańnia, u tym liku pazykovaja zaležnaść. Za vydalenuju nyrku kožnamu «dobraachvotniku» naležała płata ŭ pamiery $10 tys., praŭda, niekatoryja paśla chirurhičnaha ŭmiašańnia atrymlivali tolki častku hetaj sumy, a astatnija hrošy im nieabchodna było «adpracavać», zavierbavaŭšy novych achviar. Vyśvietlena, što takija machinacyi złačynnaja hrupa ździajśniała ŭ pieryjad z 2008 pa 2010 h.

Va ŭpraŭleńni infarmacyi i hramadskich suviaziaŭ MUS udakładnili, što kryminalnaja sprava raspačataja ŭ dačynieńni da adnaho ź lidaraŭ złačynnaha farmavańnia — hramadzianina Izraila, uradženca Biełarusi, jaki emihravaŭ u 1991 hodzie, a taksama dvuch zmoŭnikaŭ (abodva hramadzianie Ukrainy, u svoj čas taksama byli donarami i paśla ŭvajšli ŭ skład złačynnaj hrupy).

Užo vyśvietlenyja asoby troch biełarusaŭ, jakija stali achviarami padazravanych, a taksama šerah asobaŭ, jakija byli imi zavierbavanyja, adnak z roznych pryčynaŭ nie zmahli vyjechać z krainy dla praviadzieńnia apieracyj. Jak praviła, u sietku čornych transpłantołahaŭ traplalisia maładyja ludzi, jakija apynulisia ŭ ciažkim finansavym stanoviščy i jakija vyrašyli takim čynam papoŭnić svoj biudžet.

Fihuranty spravy zatrymanyja na terytoryi Ukrainy, dzie ŭ dačynieńni da ich raspačataja anałahičnaja kryminalnaja sprava (u śpisie achviaraŭ značacca dziasiatki hramadzian hetaj krainy). Sabranyja biełaruskimi pravaachoŭnikami materyjały buduć pieradadzienyja tudy i abjadnanyja.

Pravodzicca dalejšaja apieratyŭna-śledčaja praca pa vyšuku mahčymych pamahatych zatrymanych, a taksama paciarpiełych ad ich dziejnaści asobaŭ. Jość usie padstavy mierkavać, što ŭ sietku złamyśnikaŭ trapili taksama žychary Rasii i Małdovy.

«Hramadzianie, jakija stali achviarami dadzienaj hrupy abo majuć infarmacyju ab dziejnaści viarboŭnikaŭ, mohuć źviartacca ŭ HUBOPiK MUS Biełarusi», — adznačyli va ŭpraŭleńni infarmacyi i hramadskich suviaziaŭ MUS.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?