Zała pavyšanaj kamfortnaści «Kłub SV» adkryłasia 1 śniežnia na vakzale stancyi «Minsk-Pasažyrski», paviedamili ŭ pres-słužbie Biełaruskaj čyhunki.

Zała pavyšanaj kamfortnaści raźličana na 40 čałaviek. Asablivuju ŭvahu ŭ «Kłubie SV» nadali arhanizacyi biźnies-pasłuh. Pasažyry zmohuć padklučycca da sietki internet, pry nieabchodnaści zabranirujuć hatel, čyhunačnyja bilety pa Biełarusi i krainach SND, dapamohuć nabyć bilety ŭ teatr ci na kancert. U «Kłubie SV» vykličuć taksi, zamoviać nasilščyka, paznajomiać z turystyčnymi prahramami ŭ Minsku i inšych biełaruskich haradach. Hetyja i mnohija inšyja pasłuhi administratary akažuć naviedvalnikam biaspłatna.

«Va ŭtulnaj atmaśfiery pasažyry zmohuć pryjemna pravieści čas da pajezdki i paśla jaje, — adznačyŭ načalnik stancyi „Minsk-Pasažyrski“ Alaksandr Drožža. — U zale možna adpačyć na zručnych kanapach pad žurčańnie dekaratyŭnaha vadaspadu, pravieści siabroŭskuju hutarku kala „ahieńčyka“ bijakamina. U bary naviedvalnikam prapanujuć kubak kavy, tolki što vycisnutyja soki i bolš mocnyja napoi. Napaŭzačynienyja kabinki — vydatnaje miesca dla adpačynku, hutarak ź siabrami i partniorami».

Dla pasažyraŭ, jakija nabyli bilet u vahon SV, trochhadzinnaje naviedvańnie kłuba i kubak kavy — biaspłatna. Dla astatnich naviedvalnikaŭ uvachod u kłub — płatny. Košt trochhadzinnaha znachodžańnia — 20 tysiač biełaruskich rubloŭ. Kožnaja nastupnaja hadzina budzie kaštavać 7 tysiač rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?