Kandydat ad Partyi BNF pryjšoŭ ź bieł‑čyrvona‑biełym ściaham i hierbam Pahonia, što pastaviŭ u kutach ekrana. Vyhladała jak ikanastas. Padhladaŭ iznoŭ u papiery.

Kastusioŭ skazaŭ, što paŭtarać viadomych iścin nie budzie. A skaža praŭdu i pra Rasiju, i pra inšych kandydataŭ, i pra ŭładu. «Mahčymaść skazać praŭdu na BT vypadaje adzin raz na piać hadoŭ», — skazaŭ Ryhor.

Nahadaŭ svaju bijahrafiju, što jon taki samy, jak inšyja biełarusy. Kaža, jaho padtrymajuć sasłužboŭcy pa vojsku, adnakurśniki pa sielhasakademii, pa pracy.

«Pabudujem takuju krainu, dzie biełarusam budzie ŭtulna», — skazaŭ kandydat, što pracuje ŭ budaŭničaj firmie.

Kaža, što jahonaja bijahrafija padobnaja da bijahrafii inšaha kandydata, ale vychavany jon pa-inšamu. Skazaŭ, što žyvie z žonkaj tryccać hadoŭ, maje traich dzietak. Pakazaŭ hazietu «Naša Niva», dzie pisali pra jahonuju siamju.

Šmat uvahi zasiarodziŭ na čarnobylskaj temie. Abvinavaciŭ u nastupstvach Čarnobyla Rasiju. Skazaŭ, što jana pavinna nam spłacić kampiensacyju.

«BNF maje prava kazać praŭdu, bo raskazaŭ Biełarusi praŭdu pra Kurapaty, pra Čarnobyl».

Kaža, što Maskva pastaviła na «paeta‑piesieńnika, jaki śpiavaŭ ody kiraŭnictvu KPSS».

Kastusioŭ nazvaŭ Mytny sajuz «nietupym sposabam dałučeńnia Biełarusi». Na jahonuju dumku, Rasija choča naviazać nam rasijski rubiel. Šmat havaryŭ pra rasijskija samaloty, što lotajuć u Biełarusi. «Kudy nie dasiahnie rasijskaja truba, tudy dalacić rasijskaja rakieta». Voś takuju demakratyju choča prynieści ŭ Biełaruś Maskva, ličyć Kastusioŭ.

Jon prajšoŭsia pa Sańnikavu, jaki pabačyŭ «impuls z boku Rasii». I nahadaŭ pra padziei 1996 hoda, kali rasijskija deputaty ŭhavaryli nie abviaščać impičmient Łukašenku.

Potym dastałasia i Ramančuku, jaki čakaje adabreńnia svajoj ekanamičnaj prahramy z boku Kramla.

Kastusioŭ pierakanany, što Rasija nie admaŭlajecca ad płanaŭ pahłynańnia Biełarusi. «Dla hetaha i tre było pakazvać „Chrosnaha baćku“ i padobnaje», — kaža kandydat. Prapanoŭvaje vyjście z sajuznaj dziaržavy i padobnych utvareńniaŭ.

Dla Partyi BNF prymalny šlach — tolki ŭ Jeŭropu.

Kastusioŭ kazaŭ pra vymirańnie biełarusaŭ. Što praź niejki čas biełarusaŭ moža nie zastacca. Abiacaŭ kvatery tym baćkam, što naradžajuć troch dziaciej.

Prapanoŭvaje «Płan Maršała» dla Biełarusi jak šlach vyviadzieńnia Biełarusi z kryzisu.

Kali my nie adrodzim movy, to, mahčyma, našy dzieci buduć razmaŭlać pa‑kitajsku, zaściaroh jon.

«Zarobki, piensii vam daje nie car Alaksandr, a MVF. Za naš košt jašče ŭtrymlivajuć žulikaŭ z sajuznaj dziaržavy», — skazaŭ R.Kastusioŭ.

Vyklikaŭ na debaty «prarasijskich kandydataŭ Alaksandra Łukašenku, Andreja Sańnikava i Uładzimira Niaklajeva».

Naprykancy ŭspomniŭ, jak Łukašenka z Kolem padaryŭ Papu rasijski Bukvar. Kastusioŭ pieradaŭ dla Koli biełaruskamoŭny Bukvar, a taksama ściah, Pahoniu i prahramu BNF.

«Kali pračytajecie prahramu, to zrazumiejecie, što BNF nie vorahi naroda». Skončyłasia pramova kličam «Žyvie Biełaruś!».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?