AES pa technałohii «Viestynhchaŭs».

AES pa technałohii «Viestynhchaŭs».

ZŠA padtrymlivajuć namahańni Biełarusi pa budaŭnictvie AES u Biełarusi. Ab hetym havorycca ŭ supolnaj zajavie ZŠA i Biełarusi, pryniataj pa vynikach sustrečy dziaržsakratara ZŠA Chiłary Klintan i ministra zamiežnych spraŭ Biełarusi Siarhieja Martynava

ŭ ramkach samitu ABSIE ŭ Astanie, pieradaje karespandent BIEŁTA.

«Ministr zamiežnych spraŭ Biełarusi i dziaržsakratar ZŠA abaviazalisia ŭmacoŭvać hłabalnaje supracoŭnictva ŭ śfiery mirnaha vykarystańnia jadziernaj enierhii ŭ adpaviednaści ź mižnarodnymi standartami i inšymi dadatkovymi dvuchbakovymi damoŭlenaściami, jakija mohuć być zaklučany pamiž Respublikaj Biełaruś i ZŠA», — havorycca ŭ sumiesnaj zajavie.

Tam taksama skazana, što

«Biełaruś abjaviła ab namiery dyviersifikavać svajo enierhietyčnaje zabieśpiačeńnie šlacham budaŭnictva svajoj pieršaj AES hramadzianskaha pryznačeńnia». «ZŠA padtrymlivajuć hetu dziejnaść, jakaja ŭklučaje ŭ siabie kankurentny praces prajektavańnia i budaŭnictva nadziejnaj i biaśpiečnaj stancyi, što dziejničaje ŭ adpaviednaści z harantyjami MAHATE. ZŠA padtrymlivajuć namahańni Biełarusi pa chutčejšaj realizacyi hetaha kamiercyjnaha prajekta», 
— adznačajecca ŭ sumiesnaj zajavie.

Chiłary Klintan taksama pryznała histaryčnym rašeńnie Biełarusi ab admovie ad svajoj jadziernaj zbroi, pryniataje ŭ 1994 hodzie, i znoŭ paćvierdziła harantyi biaśpieki Biełarusi, zafiksavanyja ŭ Budapiešckim miemarandumie ad 5 śniežnia 1994 hoda.

«Ministr zamiežnych spraŭ Biełarusi abjaviŭ ab tym, što Biełaruś pryniała rašeńnie ab likvidacyi ŭsich svaich zapasaŭ vysokaŭzbahačanaha ŭranu i maje namier ažyćciavić heta da nastupnaha samitu pa jadziernaj biaśpiecy ŭ 2012 hodzie. Złučanyja Štaty majuć namier pradastavić techničnuju i finansavuju dapamohu dla bolš chutkaha ažyćciaŭleńnia hetych mier», — havorycca ŭ sumiesnaj zajavie.

Abodva baki abaviazalisia pradaŭžać sumiesnuju rabotu ŭ śfiery zabieśpiačeńnia jadziernaj biaśpieki, uklučajučy pavyšeńnie ŭzroŭniu biaśpieki ŭ Abjadnanym instytucie enierhietyčnych i jadziernych daśledavańniaŭ u Biełarusi», — adznačajecca ŭ sumiesnaj zajavie pa vynikach sustrečy.

Što asabliva cikava, u svaich apošnich punktach zajava pierachodzić ad pytańniaŭ atamu da palityki.

Dalej u dakumiencie havorycca pra toje, što ZŠA stanoŭča aceńvajuć rašeńnie Biełarusi zaprasić značnuju kolkaść mižnarodnych nahladalnikaŭ na prezidenckija vybary.

«ZŠA i Biełaruś paćviardžajuć, što dla palapšeńnia dvuchbakovych adnosin pieršačarhovuju važnaść pa-raniejšamu maje prajaŭleńnie bolšaj pavahi da demakratyi i pravoŭ čałavieka,
što nieabchodna dla prahresu krainy i jaje hramadzian. Złučanyja Štaty spadziajucca ŭbačyć istotny prahres u hetych halinach, u pryvatnaści, u spravie zabieśpiačeńnia adpaviednaści chodu praviadzieńnia prezidenckich vybaraŭ u Biełarusi mižnarodnym standartam», — havorycca ŭ supolnaj zajavie.

Značny sam fakt źjaŭleńnia takoj kanstatacyi — značyć, pryznańnia biełaruskimi ŭładami nieabchodnaści prahresu ŭ śfiery demakratyi i pravoŭ čałavieka.

Hetuju zajavu možna rasceńvać jak uziaty biełaruskim bokam abaviazak. Praŭda, abaviazak niekankretyzavany.

U toj ža čas

padtrymka ZŠA dla budoŭli AES moža mieć samyja šyrokija nastupstvy. Heta niesumnienny prałoh da narmalizacyi dvuchbakovych adnosinaŭ i, u toj ža čas, mahčymaść vybaru dla biełaruskich uładaŭ.
Jak viadoma, technałohii budaŭnictva AES siońnia majuć usiaho niekalki krain, siarod ich ZŠA. Amierykanskaja kampanija «Viestynhchaŭs» uzvodzić atamnyja elektrastancyi ŭ chaŭrusie ź japonskaj «Tošybaj».

Siarod krainaŭ, u jakich pracujuć i budujucca AES pa technałohii «Viestynhchaŭs», — Kitaj.

Pakul ciažka acanić usio značeńnie padpisanaj karotkaj — mienš za staronku — amierykanska-biełaruskaj zajavy, ale dakumient, jak vyhladaje, budzie mieć ekanamičnyja i palityčnyja implikacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?