zajaviŭ v.a. hałoŭnaha treniera kamandy Aleh Łužny 1 śniežnia ŭ Minsku na pres-kanfierencyi napiaredadni matča 5-ha tura Lihi Jeŭropy pamiž hetymi kamandami.

«My hatovy hulać pry lubym nadvorji, samo saboj. Navošta my pryjechali siudy? — skazaŭ Łužny. — 

Sudździ dajuć dabro — jak my možam admovicca? Sudździ ž vyrašajuć, hulać nam ci nie hulać, a nie kamanda, hałoŭny trenier abo hulcy».

Miž tym, uličvajučy biełaruskija marazy, kijaŭlanie vyrašyli pravieści apošniuju treniroŭku na svajoj bazie ŭ Konča-Zaśpie i prybyli ŭ Minsk tolki viečaram 1 śniežnia.

Varta taksama zaznačyć, što pry tempieratury pavietra nižej za minus 15 hradusaŭ kamanda haściej maje prava admovicca vychodzić na pole.

Pavodle słoŭ Łužnaha, kamanda praviała treniroŭku na marozie, adnak u Konča-Zaśpie było ciaplej, čym u Minsku.

Trenier paviedamiŭ, što pad pytańniem udzieł u matčy adnaho ź viadučych hulcoŭ «Dynama» paŭabaroncy Ramana Jaromienki, jaki «nie vielmi dobra siabie adčuvaje». Nie hatovy i abaronca Miłaš Ninkavič.

Łužnaha nie zasmučaje, što jaho kamanda nie zmoža aprabavać hazon minskaha stadyjona napiaredadni matča: «Trava inšaja, ziamla inšaja abo pamiery pola inšyja? Ja dumaju, nijakaj prablemy niama».

Pieršaja sustreča sapiernikaŭ 16 vieraśnia ŭ Kijevie zaviaršyłasia ŭničyju 2:2.

Matč projdzie 2 śniežnia, pačatak u 22.05. Tempieratura pavietra čakajecca ad 10 da 12 hradusaŭ marozu, prahnazujecca śnieh i paŭdniova-ŭschodni viecier paryvami da 14 m/s. Na matčy akredytavany prykładna 130 žurnalistaŭ, u tym liku 55 ukrainskich. «Dla BATE heta rekord», — skazaŭ pres-ataše kamandy Siarhiej Daškievič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?