Fota Reuters.

Fota Reuters.

«ABSIE źjaŭlajecca časam niejkaj dubinaj u niečych rukach u pieradvybarny pieryjad toj ci inšaj dziaržavy», — zajaviŭ Alaksandr Łukašenka na samicie arhanizacyi ŭ Astanie 2 śniežnia.

Pavodle źviestak RIA Novosti, biełaruski kiraŭnik prapanavaŭ raspracavać univiersalnyja standarty vybaraŭ dla krain ABSIE.

«Standarty vybaraŭ, pra jakija havorycca z pradstaŭnikami i čynoŭnikami ABSIE, na žal, u nas adsutničajuć

ale spasyłka idzie pastajanna na hetyja standarty, tamu siońnia treba vypracavać standarty vybaraŭ, i jany paviny być univiersalnymi», — skazaŭ Łukašenka.

Na jaho dumku, «było b łahična papracavać u ABSIE nad zaćviardžeńniem ahulnych dla ŭsich pryncypaŭ nazirańnia za prymianieńniem standartnych vybaraŭ». Na hetuju temu «ŭžo jość prapanovy šerahu krain».

Łukašenka vystupiŭ za spraščeńnie vizavaha režymu ŭnutry ABSIE. «Adnym z pryjarytetaŭ u śfiery pravoŭ čałavieka źjaŭlajecca pytańnie svabody pieramiaščeńnia, — zajaviŭ jon. — Mienavita z hetaj temy pačałasia faktyčna naša arhanizacyja. U svoj čas u Chielsinki ŭ Madrydzie my ŭsie razam dobraachvotna ŭziali na siabie całkam niedvuchsensoŭnyja abaviazacielstvy pa spraščeńni mižasobasnych kantaktaŭ i svabodzie pieramiaščeńnia. Adnak situacyja jašče bolš horšaja, čym 11 hadoŭ tamu».

Pavodle jaho słoŭ,

zabiurakratyzavanaja pracedura atrymańnia viz, jakaja časam adkryta prynižaje čałaviečuju hodnaść, ich niesuvymierny košt, źjaŭlajucca istotnaj pieraškodaj dla volnaha pieramiaščeńnia i kantaktaŭ pamiž hramadzianami.

Łukašenka zakranuŭ uzmacnieńnie roli ABSIE ŭ baraćbie z handlem ludźmi: «Siarod klučavych pryjarytetaŭ arhanizacyi ŭ humanitarnaj śfiery pavinna zastavacca supraćdziejańnie handlu ludźmi, adzin z najvažniejšych aśpiektaŭ realnych pravoŭ čałavieka». «Miarkujem, što ABSIE vałodaje davoli surjoznym ekśpiertnym i arhanizacyjnym patencyjałam, mahła b zrabić bolš istotny ŭniosak u realizacyju hłabalnaha płana dzienianiaŭ AAN u hetaj śfiery», — zaznačyŭ biełaruski kiraŭnik.

Jon prapanavaŭ taksama raspracavać i pryniać pryncypy supracoŭnicva ŭ śfiery enierhabiaśpieki. «Bolšaja častka stratehičnych vyklikaŭ pierad našymi krainami tyčycca ekanomika-ekałahičnaj i enierhietyčnaj biaśpieki, — zajaviŭ Łukašenka. — Prapanoŭvajem raspracavać i zaćvierdzić klučavyja pryncypy supracoŭnictva ŭ śfiery enierhabiaśpieki, jakija b pryvodzili da adnoj roŭnicy intaresy vytvorcaŭ, tranzicioraŭ i spažyŭcoŭ».

Łukašenka vystupiŭ za ŭmacavańnie roli arhanizacyi ŭ śfiery abarony enierhietyčnaj infrastruktury, vykarystańnia alternatyŭnych i adnaŭlalnych krynicaŭ enierhii, u zabieśpiačeńni dostupu ŭsich krain da pieradavych technałohij u hetaj śfiery.

BiełaPAN.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?