16 śniežnia ŭ Bruseli adbudziecca samit Jeŭrapiejskaj narodnaj partyi, pradstaŭniki jakoj uznačalvajuć 19 krainaŭ ES i majuć bolšaść u Jeŭraparłamiencie. Heta budzie vynikovaja sustreča ŭ 2010 hodzie.

U paviestcy dnia — ekanamičnaja situacyja, supolnaja stratehija źniešniaj palityki, mirnyja pracesy na Blizkim Uschodzie i mižrelihijny dyjałoh. U pracy samitu voźmuć udzieł prezident Jeŭrapiejskaj Kamisii Žaze Manuel Barozu, prezident Jeŭraparłamienta Ježy Buzek, prezident Jeŭrapiejskaha Savieta Chierman van Rompej, prezident Francyi Nikala Sarkazi, kancler Hiermanii Anhieła Mierkiel, prem'jer-ministr Italii Silvia Bierłuskoni, prem'jer-ministr Šviecyi Fredryk Rejnfielt, prem'jer-ministr Polščy Donald Tusk, prem'jer-ministr Łatvii Vałdzis Dambroŭskis, prem'jer-ministr Litvy Andrus Kubilus i inšyja kiraŭniki dziaržavaŭ-siabraŭ Jeŭrasajuzu.

Siarod zaprošanych — karol Iardanii Abdała, pradstaŭniki krainaŭ-udzielnic Prahramy «Uschodniaje partniorstva» — prezident Hruzii Michaił Saakašvili, prem'jer-ministr Małdovy Uład Fiłat, apazicyjnyja lidery z Ukrainy i Biełarusi Julija Cimašenka i Alaksandr Milinkievič. Kožnuju krainu pradstaŭlaje adzin čałaviek.

Lider ruchu «Za svabodu» zrobić dakład pra situacyju ŭ našaj krainie. Pasiedžańni samitu JENP tradycyjna adbyvajucca ŭ zakrytym režymie, biez udziełu asabistych daradcaŭ i asistentaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?