Biełaruś i Litva tak i nie padpisali pahadnieńnie ab tranzicie venesuelskaj nafty.

Pra heta zajaviŭ u intervju litoŭskaj hazecie «Riespublika» hienieralny dyrektar naftavaha terminału Klaipedos nafta Rokas Masiulis. Pavodle jaho słoŭ, baki nie žadajuć pastupacca svaim pazicyjami:

«Pieramovy zajšli ŭ tupik. Nivodzin z bakoŭ nia choča źmianiać svaje patrabavańni. Naša klučavoje patrabavańnie — doŭhaterminovyja harantyi bieśpierabojnych pastavak. Našy pazicyi nakont cenaŭ taksama roznyja».

Masiulis adznačyŭ, što biez damovy ab doŭhaterminovych bieśpierabojnych pastaŭkach absłuhoŭvać biełarusaŭ było b zanadta składana technična, bo «padrychtoŭka da hetaha zajmaje amal miesiac, i jašče adzin miesiac patrebny, kab viarnucca da raniejšaha režymu». Košt takich prac, adznačyŭ jon, składaje kala 500 tysiač litaŭ (145 tysiač jeŭra).

«Biez harantyj bieśpierabojnych pastavak my ryzykujem stracić dachody.

Kali terminał pracuje na poŭnuju moc, nie vielmi dobra skakać ad adnaho klijenta da inšaha,

asabliva kali vy zarablajecie stolki ž abo mienš», — adznačyŭ jon.

Masiulis skazaŭ, što pieramovam biełarusaŭ z Kłajpiedskim naftavym terminałam taksama pieraškadžajuć ichnija ž pieramovy ab tranzicie naftapraduktaŭ z łatvijskimi partami.

«Ja b vielmi chacieŭ padpisać pahadnieńnie ŭžo ŭ hetym hodzie. Tym nia mienš ja nie mahu harantavać hetaha», — adznačyŭ Masiulis.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?