Udzień 2 śniežnia na minskim stadyjonie «Dynama» zaviaršyłasia narada na jakoj vyrašaŭsia los siońniašniaha matča hrupavoha raunda Lihi Jeŭropy.

Pavodle infarmacyi Goals.by, hulnia pamiž BATE i kijeŭskim «Dynama» adbudziecca, niahledziačy na nie samyja spryjalnyja ŭmovy nadvorja.

Hałoŭny arbitr sustrečy ispaniec Siezar Muńjes Fiernandes ahledzieŭ dynamaŭski hazon i pryznaŭ jaho prydatnym da praviadzieńnia sustrečy. Naturalna, u vypadku fors-mažoru (naprykład, mocny śniehapad) arbitr moža zabrakavać pole. Kali tempieratura pavietra apuścicca nižej «minus 15», jon taksama maje prava admianić hulniu.

Praŭda, kali taho zachoča adna z kamand.

Tolki ŭžo śmieła možna śćviardžać, što kiraŭnictva BATE nie maje namier pieranosić matč na bolš poźni termin. Jak nam stała viadoma, pradstaŭniki ŭkrainskaha kłuba taksama vykazali žadańnie pravieści hulniu siońnia. Takim čynam, kali kiravacca rehłamientam UEFA, u zaŭziataraŭ niama padstaŭ dla turbot.

Vychodzić, matč pavinien adbycca ŭ lubym vypadku.

Na ranicu 2 śniežnia było pradadziena 8 tys. biletaŭ.

Siońnia viečaram sinoptyki abiacajuć «minus 12», z ulikam vietru — «minus 19». Mahčymy śnieh.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?