Pry hetym ministr infarmacyi ličyć realnaj prahramu Łukašenki.

 Fota BIEŁTA

Fota BIEŁTA

Ministr infarmacyi Aleh Pralaskoŭski pryniaŭ udzieł u onłajn-kanfierencyi BIEŁTA «Infarmacyjnaja prastora Biełarusi: realii i pierśpiektyvy». Siarod pytańniaŭ była i prośba acanić televystupy kandydataŭ u prezidenty. Čynoŭnik zajaviŭ, što ad pačatku vystupaŭ za vystupy ŭ zapisie: «Ja šmat jezdžu pa rehijonach krainy. Šmat čuju mierkavańniaŭ adnosna taho, navošta ich puścili ŭ efir? Mianie pytali, jak ja staŭlusia da taho, što spačatku treba pakazać vystupy kandydataŭ u efiry ŭ zapisie. Liču, što treba vałodać peŭnaj fotahieničnaściu pierad kamieraj. U svoj čas na hetaje pytańnie ja adkazaŭ žurnalistam, što vielmi dobra, što vystupy buduć tranślavać u zapisie. Tym samym možna budzie štości padpravić, pačyścić pry ŭdziele kandydataŭ ci ich pradstaŭnikoŭ.

Potym mnie skazali ab rašeńni tranślavać vystupleńnia ŭ pramym efiry. Ja adkazaŭ: nu što ž, kraina paśmiajecca. Usie niedachopy, pra jakija ja kazaŭ, jość. Viadoma, nia prosta čałavieku ŭtrymlivać aŭdytoryju na praciahu paŭhadziny. Asabliva, kali za dušoj ničoha niama, niama ni prahramy, ni hramadzianskaj pazicyi.
Zaraz urad, prezident pradstavili narodu prahramu raźvićcia krainy na 2011-2015 hady. Heta realnaja prahrama, nad jakoj pracavała vialikaja kolkaść prafiesijanałaŭ. Pad kožnym punktam my možam padpisacca. Hetaha ni ŭ kaho niama».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?