Pra heta kandydat u prezidenty zajaviŭ padčas sustrečy z vybarcami ŭ Mahilovie.

«Svaje pierśpiektyvy ja aceńvaju jak dastatkova dobryja, — skazaŭ Michalevič. — Ja ŭpeŭnieny, što pry spraviadlivym i sapraŭdnym padliku hałasoŭ, u mianie jość šansy vyjści ŭ druhi tur.

Ja atrymaju bolš za 10% hałasoŭ, heta dakładna. I hetaha budzie dastatkova, kab pry takoj kolkaści kandydataŭ vyjści ŭ druhi tur».

Pavodle słoŭ palityka, jamu ŭdajecca zrabić šmat z taho, što jon płanuje. Nijakich surjoznych pieraškod z boku ŭładaŭ jon nie adznačaje.

Padčas sustreč z vybarščykami, jak śćviardžaje Michalevič, jamu bačna, što ludziej u bolšaj stupieni niepakoić ekanamičnaja situacyja i «paharšeńnie ŭzroŭniu žyćcia».

Što da ŭzajemaadnosinaŭ i ŭzajemadziejańnia ź inšymi apazicyjnymi kandydatami, to, pavodle słoŭ Michaleviča, jon ź imi praktyčna nie bačycca.

«Kožny viadzie svaju kampaniju, — adznačaje palityk. — My nie krytykujem adzin adnaho, i heta vialiki plus».

Padčas sustrečy z mahilaŭčanami, jakaja adbyłasia ŭ SŠ № 21, Michalevič zajaviŭ, što pazicyjanuje siabie jak kandydata, niezaležnaha jak ad ułady, tak i ad apazicyi. Pavodle śćviardžeńnia palityka, kali jon nie vyjdzie ŭ mahčymy druhi tur vybaraŭ, to, chutčej za ŭsio, nie padtrymaje nikoha.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?