Jak paviedamiŭ adzin ź jaje arhanizataraŭ, pravaabaronca Biełaruskaha Chielsinskaha kamiteta Alaksiej Vałabujeŭ,

meta kampanii — spynić vysiakańnie haradskoha lesu ŭ Salihorsku.

Apošnim prykładam źniščeńnia zialonych zon horada stała vysiakańnie dreŭ lesaparkavaj zony pad budaŭnictva elitnaha žylla pamiž vulicami Zasłonava i Kazłova 20–21 listapada. Jak stała viadoma hramadskim aktyvistam, u chutkim časie płanujecca vysiečy lesaparkavuju zonu nasuprać haradskoj balnicy pa vulicy «Lasnaja». Adpaviednyja źmianieńni ŭniesieny ŭ hienieralny płan raźvićcia Salihorska.

Pavodle słoŭ Vałabujeva, u ramkach kampanii pačaŭsia zbor podpisaŭ u abaronu haradskoha lesu ŭ Salihorsku. Usiaho miarkujecca sabrać niekalki socień podpisaŭ i nakiravać ich jak u Salihorski haradski vykanaŭčy kamitet, tak i ŭ respublikanskija orhany ŭłady.

26 listapada była taksama padadziena zajaŭka na praviadzieńnie pikieta ŭ abaronu prava žycharoŭ Salihorska na zdarovaje navakolnaje asiarodździe.

Pikiet płanujecca pravieści 11 śniežnia kala haradskoha rynku «Kastryčnicki».

Arhanizatary akcyi majuć namier prymierkavać jaje da Dnia pravoŭ čałavieka, jaki adznačajecca 10 śniežnia.

Akramia taho, u ramkach kampanii «Abaronim les» rychtujecca zapyt u prakuraturu, adznačyŭ Vałabujeŭ.

Pavodle jaho słoŭ, dziejańni hramadskich aktyvistaŭ u abaronu salihorskaha lesu padtrymanyja Biełaruskaj partyjaj «Zialonyja». Arhanizatary kampanii taksama raźličvajuć na padtrymku inšych hramadskich arhanizacyj rehijonu i krainy. Akramia taho, jany płanujuć pryciahnuć da vyrašeńnia prablemy kandydataŭ u prezidenty.

Nahadajem, 24 listapada hramadskija aktyvisty Salihorska raspaŭsiudzili adkryty list z patrabavańniem spynić źniščeńnie haradskoha lesu. Zvarot, pad jakim padpisalisia bolš čym 20 čałaviek, byŭ taksama pieradadzieny ŭ Salihorski haradski vykanaŭčy kamitet. Patrabavańnie aktyvistaŭ nie było zadavolena.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?