Videa football.ua

Hałoŭny trenier BATE Viktar Hančarenka nie adčuvaje vialikaha rasčaravańnia bujnym paražeńniem 1:4 (pieršy tajm — 0:2) ad kijeŭskaha «Dynama» ŭ piatym tury hrupavoha etapu Lihi Jeŭropy.

«Pieršaje, što chočacca skazać, heta dziakuj rabotnikam stadyjona, jakija padrychtavali ŭ takuju surovuju paru i pole, i stadyjon. I dziakuj tym balelščykam niešmatlikim, jakija pryjšli nas padtrymać», — takimi słovami pačaŭ Hančarenka paślamatčavuju pres-kanfierencyju..

«Tak, my prajhrali, ale ŭ mianie niejkaha vialikaha rasčaravańnia niama, bo my ŭsio-taki vykanali ŭsie zadačy ŭ hetym siezonie, a adzin kankretna ŭziaty matč, viadoma, zhulali my drenna, a «Dynama» zhulała dobra, — skazaŭ Hančarenka. — Kali ja paśla hulni na kubak z bresckim «Dynama» krytyčnyja streły kidaŭ u adras kamandy, to zaraz nie mahu papraknuć jaje ŭ čymści,

bo nasamreč u nas nastolki ščylny kalandar, nie paśpiavajem duch pieravodzić, a tut jašče davodzicca hulać zimoj, i nam vielmi ciažka».

Trenier padkreśliŭ, što heta nie źjaŭlajecca apraŭdańniem niaŭdačy. «Vypała ŭ nas niekalki pazicyj pa chodzie hulni, tamu było nam ciažka, ale ŭ cełym vialikich pretenzij da chłopcaŭ nie maju. Bolš taho, pavinien skazać im vialiki dziakuj za taki siezon», — zajaviŭ jon.

Adkazvajučy na pytańnie, čamu adzin ź viadučych hulcoŭ Renan Bresan vyjšaŭ na pole tolki ŭ druhim tajmie, Hančarenka faktyčna pryznaŭ, što heta było pamyłkaj: «Zaraz lohka razvažać, ci možna było Bresana vypuścić ź pieršych chvilin. U druhim tajmie hulnia krychu raskryłasia, i Bresanu ŭ takoj situacyi lahčej. Nam davodzicca prymać rašeńni da hulni, i jany inšy raz byvajuć pamyłkovymi».

Pavodle słoŭ Hančarenki, «Dynama» jaho nie ździviła. «Ja dumaju, my dastatkova dobra vyvučyli adzin adnaho. Moža być, heta chvalavańnie startavaje, stomlenaść naša adbiłasia.

«Dynama» chutčej prystasavałasia da hazona», — zaznačyŭ jon.

Trenier pryznaŭ, što hulcy niamała dazvolili na poli Arciomu Mileŭskamu, daŭšy «šmat prastory i času na rozdumy, jon napadajučy dobraha ŭzroŭniu i hetym adrazu ž karystajecca».

V.a. hałoŭnaha treniera «Dynama» Aleh Łužny vykazaŭ udziačnaść balelščykam kłuba, jakija pryjechali ŭ Minsk «u takoje nadvorje», i «ŭsim hulcam, jakija poŭnaściu vykanali ŭstanoŭku, jakija addali ŭsie siły i majsterstva, kab vyjhrać hety adkazny matč».

«Lik sam za siabie skaža»,

— zajaviŭ Łužny, adkazvajučy na pytańnie, ci adlustroŭvaje vynik matču roźnicu ŭ kłasie «Dynama» i BATE.

«U takoje nadvorje było ciažka hulać dvum kamandam, ale my ŭsio vykanali, pra što damaŭlalisia z Aleham Ramanavičam, liču, zasłužana, pierazasłužana pieramahli», — zaznačyŭ paśla hulni aŭtar čaćviortaha miača kijaŭlan, uradženiec Biełarusi Arciom Mileŭski.

Rezki vypad u adras haspadaroŭ zrabiŭ paŭabaronca Aleh Husieŭ, jaki realizavaŭ pienalci i pavialičyŭ lik da 3:0.

«Chaciełasia prosta dakazać hetaj kamandzie, što my jaje abyhrajem na śniezie, u pustyni, na plažy i dzie tolki možna.

My pavinny byli jašče ŭ Kijevie ich stavić na miesca. U pieršym tajmie kali b zabili ŭsie momanty, jakija ŭ nas byli.

Ale my dakazali, što heta dvarovaja kamanda. Tolki futbalisty piŭzavoda mohuć da hulni vykazvacca tak, a na futbolnym poli adbyłosia zusim pa-inšamu.

Chłopcy zaraz vielmi zadavoleny. Nie toje, što my vyjšli daterminova z hrupy, a što abyhrali hetuju kamandu, jakaja tak niezasłužana vykazvałasia pra kijeŭskaje «Dynama».

Kab zaniać pieršaje miesca ŭ hrupie Je i mieć pieravahu pry losavańni 1/16 finału, u zaklučnym tury 15 śniežnia barysaŭčanam nieabchodna abyhryvać u Hałandyi AZ i raźličvać na stratu kijaŭlanami ačkoŭ u damašnim matčy z małdaŭskim «Šeryfam».

«Uličvajučy našu fiłasofiju i psichałohiju, nam chočacca być na pieršym miescy, jak i kijeŭskamu «Dynama». My budziem imknucca. Usiakaje mahčyma», — zaznačyŭ Viktar Hančarenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?