Pieradvybarnaja prahrama kandydata ŭ prezidenty Viktara Ciareščanki apublikavana 3 śniežnia ŭ respublikanskich hazietach, u pryvatnaści ŭ «Sovietskoj Biełoruśsii».

«Dziela taho, kab nadziei kožnaha na lepšaje žyćcio, dobry dom, mocnuju siamju, dabrabyt dziaciej stali realnaściu, ja hadami raspracoŭvaŭ hetuju prahramu, vyvučaŭ ajčynny i suśvietny vopyt», — zajaŭlaje Ciareščanka.

Za 16 hadoŭ z času abrańnia prezidenta ceny na pradukty z ulikam hrašovych denaminacyj uzraśli ŭ tysiačy razoŭ. Zarpłaty, piensii, stypiendyi, dapamohi adstajuć ad rostu cen. I kožny razumieje, što paśla vybaraŭ rost cen pojdzie jašče chutčej, śćviardžaje Ciareščanka. Na jaho dumku, heta vynik pamyłak u hrašova-kredytnaj palitycy krainy.

«Hrubaja pamyłka i ŭ padatkovaj sistemie.

Va ŭradzie nie razumiejuć, što hałoŭny pryncyp padatkovaj sistemy kankurentaŭ — spačatku nie pieraškadžać vytvorcy vypuścić i pradać pradukcyju,

a ŭžo potym — uziać padatki z prybytku. U Biełarusi padatki ŭklučajuć u canu pradukcyi jak zatraty i nadbaŭki da ich», — zajaŭlaje Ciareščanka.

Jak havorycca ŭ prahramie, siońnia ŭłada bačyć ratavańnie ŭ pryciahnieńni zamiežnaha kapitału. «Heta stratehija adstałych dziaržaŭ, naviazanaja mižnarodnym kapitałam, jaki raźmiaščaje ekałahična niebiaśpiečnyja vytvorčaści na čužych terytoryjach. Na takich terytoryjach narodu advodzicca rola tolki rabsiły i kankurenta mihrantam u krainu. Kali Biełaruś pojdzie pa hetym šlachu, my atrymajem mižrelihijnyja i etničnyja prablemy, jakija zaraz trasuć krainy Jeŭropy, ZŠA i ŭvieś śviet», — zajaŭlaje Ciareščanka.

Jon prapanoŭvaje zabiaśpiečyć niezaležnaść krainy ad zamiežnaj valuty. «Zabiaśpiečym našy hrošy nacyjanalnym nabytkam. Uviadziem rubiel svabodna kanviersoŭnym z pačatkovym kursam 3 rubli za 1 dołar. Adnačasova z hetym usie ekanamična abhruntavanyja prajekty nacyjanalnych pradpryjemstvaŭ atrymajuć prava na dziaržaŭnyja inviestycyi za košt prodažu svaich akcyj dziaržavie. Akcyi pradpryjemstvaŭ (a nie virtualnaja valuta zamiežnych dziaržaŭ i nie zołata, jakoje amiarćvlaje) buduć zabieśpiačeńniem nacyjanalnych hrošaj. Akcyi efiektyŭnych pradpryjemstvaŭ — heta aktyvy, lepšyja za zołata!» — miarkuje Ciareščanka.

«Kiravać pradpryjemstvami ŭ krainie budzie nie prezident, a kampietentnyja śpiecyjalisty i dyrektary pradpryjemstvaŭ, padkantrolnyja svaim upraŭleńniam, pracoŭnym kalektyvam i zakanadaŭstvu.
Akcyi buduć pradavacca rabotnikam, bankam, hramadzianam, a taksama inšaziemcam, ale za našu valutu», — zajaŭlaje kandydat.

Za košt ekanamičnaha rostu Ciareščanka abiacaje zabiaśpiečyć vyrašeńnie zadač u sacyjalnaj śfiery. «Dadatkova pavysim vypłaty adzinokim maci, šmatdzietnym, małazabiaśpiečanym, invalidam. Palepšym sistemu adrasnych datacyj siemjam ź nizkimi dachodami. Dla moładzi — biaspłatnaja pieršaja vyšejšaja i siaredniaja śpiecyjalnaja adukacyja. Inšaharodnim studentam — internat abo kampiensacyju pałovy raschodaŭ na arendu pakoja. Kožnamu studentu vočnaj formy navučańnia — stypiendyju z ulikam paśpiachovaści. Lhotny prajezd u transparcie. Lhotny kredyt dla studentaŭ, jakija stvaryli siamju. Admienim płatu za prajezd dzieciam i školnikam u haradskim transparcie», — abiacaje Ciareščanka.

Jon harantuje stvareńnie ŭ krainie efiektyŭnaj sistemy pravaprymianieńnia i niezaležnaj sudovaj sistemy, prakurorskaha nahladu i dziaržkantrolu. Hienieralnaha prakurora i sudździaŭ usich uzroŭniaŭ budzie pryznačać parłamient, a nie prezident.

«U mižnarodnaj palitycy Biełaruś budzie kiravacca mudrym pryncypam «bolš dakładny lik — macniejšaja družba» i łozunham «Za mocnuju, stabilnuju i kvitniejučuju Biełaruś u sajuzie z bratniaj Rasijaj, Ukrainaj — siońnia, zaŭtra i na viaki!» — zajaŭlaje Ciareščanka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?