Biełaruskaja čyhunka budzie zakupać rejkavyja aŭtobusy 1

Biełaruskaja čyhunka płanuje ŭ nastupnym hodzie pačać zakupku rejkavych aŭtobusaŭ,

paviedamiŭ siońnia na pres-kanfierencyi načalnik BČ Anatol Sivak.

Kiraŭnik čyhunačnaj mahistrali nahadaŭ, što ŭ Biełarusi płanujuć arhanizavać vytvorčaść rejkavych aŭtobusaŭ i dyziel-ciahnikoŭ. Jaje stvoryć AAT «Biełkamunmaš» sumiesna z polskaj chołdynhavaj kampanijaj Pesa pry ŭdziele Minskaha vahonaramontnaha zavoda. Anatol Sivak adznačyŭ, što BČ zacikaŭlena ŭ tym, kab heta vytvorčaść pačała pracavać jak maha chutčej.

Čakajecca, što zborka novych ciahnikoŭ pačniecca ŭ nastupnym hodzie. «My čakajem, što jany pačnuć vytvorčaść u pieršuju čarhu rejkavych aŭtobusaŭ, jakija buduć vykarystoŭvacca na našych rehijanalnych linijach ekanom-kłasa, — skazaŭ Anatol Sivak. — U nastupnym hodzie my zakłali finansy dla kupli takoj techniki. Važna, kab jaje sabrali i nam pradali».

Pavodle słoŭ načalnika BČ, novy ruchomy sastaŭ daść mahčymaść zamianić zatratnyja dyziel-ciahniki.

«Dyziel-ciahniki- dastatkova zatratnyja mašyny ź vialikimi raschodami, — adznačyŭ jon. — My vymušany ich paŭpustymi časam, asabliva pasiarod tydnia, haniać, kab vyvazić pasažyraŭ, skažam, z Chojnikaŭ u Homiel».

Jak raniej paviedamlałasia,

biełaruskija rejkavyja aŭtobusy i dyziel-ciahniki buduć vyznačacca vysokim uzroŭniem kamfortu i palepšanymi techničnymi charaktarystykami.

U rejkavych aŭtobusach dla pasažyraŭ praduhledžany zručny sałon z kandycyjanieram i vakuumnym tualetam. Siłavy ahrehat pad kuzavam zabiaśpiečyć cišyniu ŭ sałonie i adsutnaść vibracyi, a dvuchstupieńčataja padvieska z humava-pnieŭmatyčnymi amartyzatarami — płaŭny chod. Pieršaja partyja rejkavych aŭtobusaŭ budzie pryznačana dla ekspłuatacyi

na ŭčastkach ź nievialikim pasažyrapatokam Viciebskaha i Homielskaha adździaleńniaŭ čyhunki.

BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH