Susanna Cyruk pryznačanaja hałoŭnym režysioram Muzyčnaha teatra. Hetaj padziei čakali, čutki pra jaje chadzili daŭno, ale padpisańnie kantraktu adbyłosia tolki 3 śniežnia.
Sp-nia Cyruk naradziłasia ŭ Minsku ŭ vysokaintelihientnaj siamji, jakaja pryjechała ź Leninhrada “padymać kulturu” (baćka – viadomy dyryžor, maci – pijanistka). Skončyła Leninhradskuju kansiervatoryju, niejki čas pracavała ŭ Minsku, ale źjechała ŭ Rasiju amal adnačasova ź Pinihinym i Marholinym. Razam ź imi atrymała rasijskaje hramadzianstva i, viarnuŭšysia ŭ Minsk, nie choča jaho hublać. Bo hetaje viartańnie – nie ź niejkich tam sientymientalnych nahodaŭ, a prosta tamu, što ŭ Biełarusi na režysioraŭ jość popyt. U Rasii hetkaha popytu niama.
U Muzyčnaha teatra ŭ zaprašeńni sp-ni Cyruk svoj intares. Tam spadziajucca, što režysior z dośviedam pracy na najlepšych placoŭkach śvietu vyviadzie kalektyŭ na novy ŭzrovień kankurentnaści i prafiesijanalizmu. Peŭna, tak i budzie. Važna pry hetym, kab nie straciłasia hałoŭnaja admietnaść biełaruskaha teatra – jaho dušeŭnaść.
