Irynu Chalip, viadomuju žurnalistku i žonku kandydata ŭ prezidenty Biełarusi Andreja Sańnikava, zatrymali ŭnačy 4 śniežnia ŭ aeraporcie «Minsk-2», kali jana viartałasia z Budapiešta paśla atrymańnia dypłoma Centralna-jeŭrapiejskaj inicyjatyvy za žurnalisckaje rasśledavańnie.
U žonki kandydata ŭ prezidenty zabrali pašpart, stali praviarać usie rečy, pry hetym pryčynu pieratrusu admaŭlalisia paviedamić.
«Ja patelefanavaŭ na haračuju liniju Dziaržpahrankamiteta, zapatrabavaŭ rastłumačyć pryčynu zatrymańnia. Adkaz byŭ standartny: «Nu, vy ž usio razumiejecie...» Ja skazaŭ, što ničoha nie razumieju i patrabuju tłumačeńniaŭ. Tady mnie prosta paraili źviarnucca ŭ Hienprakuraturu. Cyničny adkaz, bo ŭ Hienprakuraturu možna źviarnucca tolki ŭ paniadziełak, što i paćvierdziŭ apieratyŭny supracoŭnik pahrankamiteta. Jon mnie paviedamiŭ, što budzie praviedzieny pahłybleny nadhlad, ale admoviŭsia nazvać pryčynu. Ira skazała, što kali vy šukajcie nośbity infarmacyi, to ich niama. Joj prostym tekstam adkazali, što šukajuć hrašovyja srodki. My pastavili ŭ viadomaść misiju naziralnikaŭ ABSIE", -- raspavioŭ kandydat u prezidenty Andrej Sańnikaŭ.
Žurnalistku pratrymali ŭ aeraporcie bolš za dźvie hadziny. Supracoŭniki mytni i pahrankamiteta praviali detalny nadhlad, šukali hrošy i vielmi ŭzradavalisia, kali znajšli ŭ kašalku Iryny Chalip 500 rasijskich rubloŭ.
