Mietryčnuju knihu Iškaldskaha kaścioła vykupili + fota dabradzieja 24

Ciapier joj pastarajucca nadać status ruchomaj materyjalnaj kaštoŭnaści.

Andrej Radkoŭ.

Siońnia Mietryčnuju knihu ŭ Minsk pryvioz student Andrej Radkoŭ.

Jon sabraŭ patrebnyja 3 miljony rubloŭ, kab vykupić dakumient. Paśla niaŭdałaj sproby pradać jaho praz internet-aŭkcyjon adnym antykvaram, Andrej pačaŭ šukać achviaradaŭcaŭ.

Adnym ź ich staŭ pasoł Francyi ŭ Biełarusi Mišel Reniery.

U Mietryčnaj knizie majucca zapisy za 1759--1807 hady. Probašč katalickaj parafii ŭ minskaj Sierabrancy a. Ihar Łašuk ličyć, što ŭ joj moža być i zapis pra chrost Ihnata Damiejki. Ale pry pieršym ahladzie stała zrazumieła, što vyjavić jaho, kali jon sapraŭdy jość, ciažka: počyrk nie ŭsiudy razborlivy. Patrebna praca śpiecyjalistaŭ. Tym bolš, što chryścić Damiejku mahli nie ŭ lipieni, kali jon naradziŭsia, a luby inšy miesiac. Tamu praca nie na piać chvilin.

Ciapier Mietryčnuju knihu pakinuć u Minsku, kab adličbavać dla daśledčykaŭ. I pastarajucca nadać joj status ruchomaj materyjalnaj kaštoŭnaści, kab bolš nie źnikła.

Zatym knihu viernuć u Iškaldski prychod.

5 śniežnia ŭ 8.30 u kaściole ŭ Sierabrancy, dzie słužyć a. Ihar Łašuk, projdzie Imša ŭ honar stanoŭčaha vyrašeńnia pytańnia. Paśla malitvy parafijanaŭ čakaje nievialikaje śviata.

Siarhiej Makarevič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH