Prazrystyja skryni dla hałasavańnia ŭstanoŭleny na 586 z 6.390 vybarčych učastkaŭ,
paviedamiła staršynia Centrvybarkama Lidzija Jarmošyna 17 śniežnia na pres-kanfierencyi ŭ Minsku. «Dzie byli hrošy ŭ arhanizataraŭ vybaraŭ, tam ich i kupili», — dadała jana.
Jarmošyna adznačyła, što vybarčaje zakanadaŭstva nie pradjaŭlaje patrabavańnia da materyjału, ź jakoha pavinna być zroblena skrynia dla hałasavańnia. «Tamu ŭsie razmovy ab prazrystaści skryń nosiać palityčny charaktar i nie adnosiacca da vybarčaha zakanadaŭstva», — padkreśliła kiraŭnik CVK.
Nahadajem, 11 listapada na pres-kanfierencyi ŭ Minsku lidar arhkamiteta pa stvareńni hramadskaha abjadnańnia «Za svabodnaje raźvićcio pradprymalnictva» Viktar Harbačoŭ zajaviŭ ab tym, što pradprymalniki Biełarusi dapamohuć vybarčym kamisijam zabiaśpiečyć učastki prazrystymi skryniami dla hałasavańnia. Pavodle jaho słoŭ, pradprymalniki pačuli zaklik lidara kampanii «Havary praŭdu!» pretendenta na pasadu prezidenta Uładzimira Niaklajeva ab nieabchodnaści zabiaśpiečyć vybarčyja kamisii prazrystymi skryniami dla hałasavańnia.
Adnak Centrvybarkam admoviŭsia ad prapanavanaj dapamohi. Pavodle słoŭ Jarmošynaj, Centralnaja kamisija nie ažyćciaŭlaje materyjalna-techničnuju dziejnaść. «Da taho ž, my nie možam pryniać ich dapamohu, bo nie viedajem, jakuju jana maje krynicu: biełaruskuju ci zamiežnuju», — skazała jana.
Siarhiej Karalevič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
