Padmiena biuleteniaŭ padčas daterminovaha hałasavańnia — adzin ź mifaŭ vybarčych kampanij u Biełarusi. Pra heta zajaviła staršynia Centrvybarkama Lidzija Jarmošyna 17 śniežnia napres-kanfierencyi ŭ Minsku.
«U dvuchtysiačnyja hady źjaviŭsia stojki mif, jaki prydumali tyja, chto prajhraŭ na vybarach, što padčas daterminovaha hałasavańnia ŭłady mianiajuć biuleteni ŭ skryniach», — skazała jana.
Pavodle słoŭ Jarmošynaj, «ničoha padobnaha nie adbyvajecca». «Usie skryni apiačatvajucca, pamiaškańni znachodziacca pad achovaj milicyi. Što jašče treba prydumlać?» — adznačyła jana.
Kampanija «Za spraviadlivyja vybary» źviartałasia ŭ Centrvybarkam z prośbaj dazvolić naziralnikam kruhłasutačna sačyć za zachavanaściu skryniaŭ dla hałasavańnia. Na dumku pradstaŭnikoŭ kampanii, heta pieraškadžała b ukidvańniu ŭ skryni sfalsifikavanych biuleteniaŭ. Adnak Centralnaja kamisija admoviła ŭ takoj prośbie.
0
0
0
0
0
0