23:15
AMAP raśsiakaje natoŭp, vyciaśniajučy jaho na praśpiekt. Ludzi źbirajucca kala hałoŭnaha korpusa BDU.
23:11
Ludzi pačynajuć adstupać z płoščy Niezaležnaści pad naciskam śpiecnaza. Praśpiekt ačepleny vajskoŭcami z v/č 3213, kab ludzi nie mieli mahčymaści na jaho vyjści. Vital Rymašeŭski zaklikaŭ sabracca zaŭtra a 18-j na płoščy Niezaležnaści.
23:08
Jak paviedamlaje karespandent «Našaj Nivy», hrupu demanstrantaŭ u kolkaści kala 500 čałaviek, što stajała kala trybuny z vystupoŭcami (pomnik Leninu), uziali ŭ ačapleńnie śpiecnazaŭcy. Natoŭp ad ich adciaśnili. Padjechali aŭtazaki. VitalRymašeŭski paviedamiŭ, što z kiraŭnictvam siłavikoŭ dasiahnutaja damoŭlenaść – aryštoŭvać nibyta nie buduć. Tym časam ačapleńnie ŭmacavali jašče kala sotki śpiecnazaŭcaŭ u poŭnaj ekipiroŭcy.
23:03
Hramadski aktyvist Artur Fińkievič paviedamiŭ, što pavodle aficyjnych źviestak na adnym z učastkaŭ u Partyzanskim rajonie Minska za Łukašenku prahałasavali 42%, za Sańnikava – 17%.
22:59
Śpiecnaz adciaśniaje ludziej ad Doma ŭrada.
22:48
Častka ludziej sprabuje trapić u siaredzinu ŭradavaha budynka. Na ich šlachu vystaŭlenyja draŭlanyja barykady, pieradaje karespandent "NN". Častka ludzj pakidaje Płošču.
22:44
Śpiecnaz syšoŭ z Płoščy Niezaležnaści, pakinuŭšy ludziej u spakoi. Vital Rymašeŭski zaklikaŭ ludziej uziać Dom Urada ŭ abłohu i zastavacca na Płoščy. Z kandydataŭ prysutničaje Sańnikaŭ.
Na Płoščy chałodna, ludzi kab sahrecca, skačuć na miescy.
22:22
Jak paviedamiŭ karespandent «Našaj Nivy», u Domie ŭrada nieviadomyja vybili škło ŭ voknach i dźviarach. Zusim blizka znachodziacca kandydaty ŭ prezidenty Andrej Sańnikaŭ, Mikoła Statkievič. Pa słovach žurnalista, jany anijak nie pieraškadžajuć hetamu. Ludzi sprabavali ŭvajści ŭ siaredzinu. Śpiecnaz pačaŭ adciaśniać demanstrantaŭ ad Doma ŭrada.