Źbity Niaklajeŭ.

Źbity Niaklajeŭ.

Prychilniki kandydata ŭ prezidenty Uładzimira Niaklajeva spravakavali sutyknieńnie ź milicyjaj, zajaviŭ kiraŭnik dziaržavy Alaksandr Łukašenka na pres-kanfierencyi ŭ Minsku 20 śniežnia.

Pavodle jaho słoŭ, 19 śniežnia, a 19.00 ministr unutranych spraŭ prainfarmavaŭ jaho pra niekalki padazronych aŭtamabilaŭ na vulicy Niamiha. Dla razhladu byŭ vyklikany narad milicyi.

«Praviarać šmatlikija transpartnyja srodki», — zajaviŭ Łukašenka. Jon padkreśliŭ, što «alternatyŭny kandydat (Niaklajeŭ) viedaŭ, što Biełaruś ceły tydzień, jak tolki pačałosia daterminovaje hałasavańnie, znachodzicca ŭ režymie pavyšanaj biaśpieki».

Razam z tym, zajaviŭ Łukašenka, Niaklajeŭ razam z 60 svaimi prychilnikami pasprabavali pieraškodzić dahladu aŭtamabilaŭ.

«Ad hetych mašyn milicyju adšturchoŭvali, narad byŭ źmiaty. Pačałasia bojka», — padkreśliŭ Łukašenka.

Paśla incydentu ŭ jaho była žorstkaja hutarka ź ministram unutranych spraŭ: «Ja kazaŭ čamu, navošta tabie było źviazvacca. A jon śćviardžaŭ, što milicyja tut ni pry čym».

Pry hetym jon pracytavaŭ zajavu kiraŭnika štaba Niaklajeva Andreja Dźmitryjeva, jaki, pa słovach Łukašenki, paćvierdziŭ, što «milicyja była tut ni pry čym.

Kali b nie milicyja, dajšło b da panažoŭščyny». «I dziakuj načalniku štaba, što skazaŭ praŭdu»,

— dadaŭ Łukašenka.

Łukašenka zajaviŭ, što paźniej, kali milicyi ŭdałosia atrymać dostup da aŭtamabilaŭ i pravieści ich dahlad,

«ja rasparadziŭsia, kab heta ŭsio było pakazana na telekanałach,

kab pakazali narodu, čamu tak pilna alternatyŭny kandydat z 60 ludźmi abaraniaŭ aŭtamabili».

Taksama, pavodle słoŭ Łukašenki, jon źviazaŭsia ź ministram achovy zdaroŭja, kab paciarpiełamu ŭ sutyčcy ź milicyjaj Niaklajevu akazali nieabchodnuju miedycynskuju dapamohu.

«A to budzie smurodu stolki, što dalej niama kudy»,

— adznačyŭ Łukašenka.

Pavodle słoŭ prezidenta, sa słoŭ ministra jamu stała viadoma,

što ŭ Niaklajeva drapina na patylicy i siniak pad vokam, nijakaj pahrozy zdaroŭju niama.

«Ale ŭsio roŭna ja paprasiŭ: źbiarycie ludziej, pahladzicie, kab usio było narmalna», — zajaviŭ Łukašenka.

Jon adznačyŭ, što Niaklajeŭ, praź niekatory čas paśla taho, jak trapiŭ u lakarniu, raspačaŭ sprobu pakinuć lačebnuju ŭstanovu. «Jon atrymaŭ infarmacyju, što na płoščy ŭsie ŭžo bieź jaho ŭładu padzialili», — skazaŭ Łukašenka.

Paźniej, pa słovach prezidenta, jamu patelefanavaŭ ministr achovy zdaroŭja, paviedamiŭšy, što Niaklajevu była akazana nieabchodnaja miedycynskaja dapamoha, adnak toj nie źbirajecca pakidać špital.

Pavodle słoŭ Łukašenki, Niaklajeŭ takim čynam chacieŭ cichieńka adlažacca.

«Rymašeŭski taksama ŭ špitali chavaŭsia. Kazaŭ, što pa hałavie dali. Ale ty ž mužyk. Čaho prybieh, płakacca. Nu dali pa hałavie».

Dziejańni apazicyi Łukašenka nazvaŭ hańbaj. «I jany jašče chacieli być prezidentami. Tabie pa pysie dali, a ty kryčyš na ŭvieś śviet. Ty ž pavinien tryvać.

Tabie zaŭtra 70 hadoŭ, a ty jašče nie navučyŭsia svaimi mazhami varušyć», — zajaviŭ jon.

Łukašenka adznačyŭ, što Niaklajeva i Rymašeŭskaha ŭžo zabrali z balnicy dla hutarki sa śledčym.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?