46-hadovaja Iryna Pankaviec i 23-hadovaja Śviatłana byli zatrymanyja ŭ liku inšych socień udzielnikaŭ mirnaj akcyi pratestu 19 śniežnia. Heta mama i siastra reparciora «Našaj Nivy» Źmitra Pankaŭca. 20 śniežnia sud Maskoŭskaha rajona asudziŭ ich da 10 sutak aryštu. Imia sudździ nam pakul nieviadoma. Chto maje takuju infarmacyju, kali łaska, źmiaścicie nižej u kamientarach.

Iryna i Śviatłana Pankaviec žyvuć u Barysaŭskim rajonie, Śviatłana ŭ ciapierašni čas studentka-ekołah. Iryna pracuje kucharkaj u škole. Za toje, što jaje dzieci ŭdzielničali ŭ Płoščy-2006, jaje zvolnili z papiaredniaha miesca pracy — sanitarki ŭ balnicy.

U pazaminułym hodzie supracoŭnik KDB pahražaŭ joj čarhovym zvalnieńniem, kali jana nie budzie davać infarmacyju pra žyćcio i dziejnaść dački. Jana admoviłasia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?