Hruzija spadziajecca, što zatrymanyja padčas niesankcyjanavanaj akcyi 19 śniežnia ŭ Minsku kandydaty ŭ prezidenty Biełarusi buduć vyzvalenyja.
Jak pieradaje RIA Novosti, pra heta zajaviŭ žurnalistam 24 śniežnia sakratar Savieta nacyjanalnaj biaśpieki Hruzii Hieorhij Bakieryja.
Jon padkreśliŭ, što Biełaruś źjaŭlajecca siabram Hruzii. «Dla nas hetyja adnosiny vielmi važnyja, i my padtrymlivajem jaje suvierenitet. Zychodziačy z hetaha, kali kazać ścisła, ciapierašniaje stanovišča vyklikaje zakłapočanaść, i my spadziajomsia, što zatrymanyja kandydaty buduć vyzvalenyja», — skazaŭ Bakieryja.
Pry hetym, pavodle jaho słoŭ, vielmi važna, kab byŭ pradoŭžany dyjałoh pamiž Biełaruśsiu i Jeŭrasajuzam, Biełaruśsiu i ZŠA.
Raniej paviedamlałasia, što prezident Hruzii Michaił Saakašvili pavinšavaŭ Alaksandra Łukašenku ź pieramohaj na vybarach.
