Niamiecka-biełaruskaje tavarystva, hałoŭny arhanizatar tradycyjnych štohadovych “Minskich forumaŭ”, abnarodavała svaju pazicyju ŭ suviazi z prezidenckimi vybarami 19 śniežnia i padziejami hetaha i nastupnych dzion.
Staršynia tavarystva prafiesar Rajner Lindner, u pryvatnaści, adznačyŭ: “Aryštavanym musić być nieadkładna dadzienaja mahčymaść atrymańnia poŭnaj jurydyčnaj dapamohi, a paranienym – akazanaja nieabchodnaja miedycynskaja dapamoha na samym vysokim mahčymym uzroŭni... Prezident, jaki, kali vieryć aficyjnym źviestkam, atrymaŭ 80% hałasoŭ, nie pavinien bajacca demanstracyj”.
Staršynia Niamiecka-biełaruskaha tavarystva padkreśliŭ, što adsutnaść prazrystaha padliku hałasoŭ, zabarona mirnych demanstracyj, pierakryćcio internet-sajtaŭ u dzień vybaraŭ i nastupny dzień, na jaho dumku, niesumiaščalnyja z kaštoŭnaściami Jeŭrapiejskaha sajuza.
Prafiesar Lindner taksama zaklikaŭ kiraŭnikoŭ krain Jeŭrasajuza “nie advaročvacca ad Biełarusi” i ščylna zaniacca, naprykład, pytańniem źnižeńnia koštaŭ ujaznych viz u krainy ES dla zvyčajnych hramadzian Biełarusi.“Heta pavinna być zroblena niezaležna ad vynikaŭ dnia vybaraŭ”.
0
0
0
0
0
0
