Vykazvańni pra toje, što biełarusizacyja pačałasia paśla zvarotu «Tavarystva biełaruskaj movy», čynoŭnik nazvaŭ śpiekulacyjaj.
Staršynia abłasnoha vykanaŭčaha kamiteta vykazaŭ niezadavolenaść «infarmacyjnaj padaplokaj» vakoł inicyjatyvy pašyryć vykarystańnie biełaruskaj movy siarod svaich padnačalenych. Pra heta jon raskazaŭ žurnalistam padčas pres-kanfierencyi, što prajšła 21 śniežnia ŭ Hrodnie.
Pytańnie karespandenta «HS» tyčyłasia taho, jakim čynam płanujecca pašyrać užyvańnie rodnaj movy ŭ rajonnych vykanaŭčych kamitetach. U adkaz Siamion Šapira nahadaŭ, što ŭ Biełarusi kožny maje prava vybaru movy i nichto nie abaviazany adkazvać za toje, što nie razmaŭlaje pa-biełarusku. Jon byŭ niepryjemna ŭražany kamientarami nakont svajoj inicyjatyvy ŭ ŚMI. Vykazvańni pra toje, što biełarusizacyja pačałasia paśla zvarotu «Tavarystva biełaruskaj movy», Šapira nazvaŭ śpiekulacyjaj. I dadaŭ, što prypyniŭ hetuju praktyku.
Nahadajem, miesiac tamu staršynia abłvykankama vykazaŭ pažadańnie, kab čynoŭniki bolš užyvali ŭ svajoj pracy rodnuju movu. Pra heta sa spasyłkaj na «Radyjo Racyja» paviedamlała i «HS».
Inicyjatyvu Siamiona Šapiry mnohija źviazvali sa zvarotam «Tavarystva biełaruskaj movy». Staršynia hramadskaha abjadnańnia Aleh Trusaŭ pavinšavaŭ čynoŭnika z novym pryznačeńniem i zaklikaŭ bolš karystacca biełaruskaj movaj.
