Pieramožca kitajskaj viersii «Fabryki zorak» 24-hadovaja Van Bi pamierła ad uskładnieńniaŭ paśla płastyčnaj apieracyi ŭ centralnaj pravincyi Chubiej.
Jak pišuć kitajskija ŚMI, dziaŭčyna zahinuła paśla takoj samaj apieracyi pa zvužeńni nižniaj skivicy, jakuju niezadoŭha da hetaha pieraniesła i jaje maci.

Śpiavačka Van Bi ŭdzielničała ŭ realici-šou Super Girl, jakoje tranślujecca pa kitajskim telebačańni. Varta adznačyć, što apieracyi, ad jakoj zahinuła dziaŭčyna, taksama padviarhałasia i jaje maci. Ciapier žančyna adčuvaje siabie dobra i adnaŭlaje siły ŭ adnoj z klinik płastyčnaj chirurhii.

Miž tym šmatlikija prychilniki kitajskaj śpiavački nie adrazu pavieryli ŭ jaje śmierć. Siarod fanataŭ spačatku raspaŭsiudziłasia viersija ab tym, što zorka sama raspuściła čutki pra svaju śmierć, kab pavialičyć ułasnuju papularnaść.

Śmierć Van Bi znoŭ nahadała pra toje, što płastyčnaja chirurhija ŭ Padniabiesnaj daloka nie biaśpiečnaja. Hety vid miedycynskich praceduraŭ u Kitai ciapier robicca vielmi papularnym, u suviazi z takim pavieličeńniem popytu svaje pasłuhi pačali prapanoŭvać mnostva chirurhaŭ, jakija nie majuć adpaviednaj kvalifikacyi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?